Best Bikes : రఫ్ అండ్ టఫ్ పర్ఫార్మెన్స్.. మార్కెట్లో ట్రెండ్ అవుతున్న టాప్ 200cc - 250cc మోటార్ సైకిళ్లు ఇవే

Best Bikes : భారతీయ టూ-వీలర్ మార్కెట్లో ప్రస్తుతం యువత అంతా పవర్‌ఫుల్ అండ్ స్టైలిష్ బైకుల వైపే మొగ్గు చూపుతున్నారు. ఒకప్పుడు కేవలం మైలేజ్ మాత్రమే చూసే రోజులు పోయి, ఇప్పుడు పవర్‌తో పాటు లుక్ కూడా అదిరిపోవాలని కోరుకుంటున్నారు. మీరు కూడా ఈ 2026లో ఒక మంచి పవర్‌ఫుల్ బైక్ కొనాలని ప్లాన్ చేస్తున్నారా? అయితే 200cc నుంచి250cc సెగ్మెంట్ మీ కోసమే. ఈ కేటగిరీలోని బైకులు రోజువారీ ఆఫీస్ ప్రయాణాలకే కాకుండా, వీకెండ్స్‌లో లాంగ్ రైడ్స్ వెళ్లడానికి కూడా అద్భుతంగా సెట్ అవుతాయి. దేశీయ మార్కెట్లో దుమ్మురేపుతున్న హీరో ఎక్స్‌ట్రీమ్ 250R, బజాజ్ పల్సర్ N250, టీవీఎస్ రోనిన్, సుజుకి జిక్సర్ 250 బైకుల ఫీచర్లు, వాటి ఇంజన్ పవర్ గురించి తెలుసుకుందాం.

250cc సెగ్మెంట్‌లో హీరో ఎక్స్‌ట్రీమ్ 250R సరికొత్త హవా

ప్రముఖ టూ-వీలర్ సంస్థ హీరో మోటోకార్ప్ తన Hero Xtreme 250Rతో 250cc విభాగంలో చాలా బలంగా అడుగుపెట్టింది. ఈ బైక్‌లో 249cc లిక్విడ్-కూల్డ్, సింగిల్-సిలిండర్ ఇంజన్‌ను అందించారు. ఇది రైడర్లకు ఏకంగా 30hp అద్భుతమైన పవర్‌ను అందిస్తుంది. దీని అగ్రెసివ్, మస్కులర్ డిజైన్ బైక్‌కు పక్కా స్పోర్టీ లుక్‌ను ఇస్తుంది. ఈ బైక్ బరువు 167.7 కేజీలుగా ఉండగా, 806mm సీట్ హైట్ వల్ల రైడర్లకు మంచి రైడింగ్ కంఫర్ట్ లభిస్తుంది. ఇందులో అప్‌సైడ్ డౌన్ (USD) ఫ్రంట్ ఫోర్క్స్, రెండు చక్రాలకు డిస్క్ బ్రేకులు, ఫుల్ ఎల్‌ఈడీ లైటింగ్, డిజిటల్ ఇన్‌స్ట్రుమెంట్ క్లస్టర్ లాంటి మోడరన్ ఫీచర్లు ఉన్నాయి.

స్టైల్ అండ్ కంఫర్ట్ కలయిక మన టీవీఎస్ రోనిన్

ప్రీమియం లుక్‌తో పాటు చాలా సౌకర్యవంతమైన రైడింగ్ కావాలనుకునే వారికి TVS Ronin ఒక పర్ఫెక్ట్ ఛాయిస్. ఇందులో 225.9cc ఆయిల్-కూల్డ్ ఇంజన్ ఉంటుంది, ఇది 20.4hp పవర్‌ను జనరేట్ చేస్తుంది. దీని నియో-రెట్రో డిజైన్ రోడ్డుపై వెళ్తుంటే అందరి దృష్టిని ఆకర్షిస్తుంది. ఈ బైక్ సీట్ హైట్ 795mm, బరువు కేవలం 159 కేజీలు మాత్రమే ఉండటం వల్ల సిటీ ట్రాఫిక్‌లో కూడా చాలా ఈజీగా హ్యాండిల్ చేయవచ్చు. దీనితో పాటు బ్లూటూత్ కనెక్టివిటీ, విభిన్న రైడింగ్ మోడ్స్, డ్యూయల్-ఛానల్ ఏబీఎస్ (ABS) వంటి అడ్వాన్స్డ్ ఫీచర్లు ఇందులో ఉన్నాయి.

హైవే కింగ్ సుజుకి జిక్సర్ 250

స్మూత్ రైడింగ్ ఎక్స్‌పీరియన్స్‌తో పాటు లాంగ్ రైడ్స్‌లో తిరుగులేని పర్ఫార్మెన్స్ ఇచ్చే బైక్‌గా Suzuki Gixxer 250కి మంచి పేరుంది. ఈ బైక్‌లో 249cc ఆయిల్-కూల్డ్ ఇంజన్ కలదు, ఇది 25.7hp పవర్‌ను ఇస్తుంది. ముఖ్యంగా హైవేలపై లాంగ్ ట్రిప్స్ వెళ్లేటప్పుడు ఈ బైక్ పర్ఫార్మెన్స్ నెక్స్ట్ లెవెల్‌లో ఉంటుంది. దీని బరువు సుమారు 156 కేజీలుగా ఉండటం వల్ల బైక్ చాలా లైట్ వెయిట్‌గా అనిపిస్తుంది. మలుపుల్లో కూడా కార్నరింగ్ చేయడం చాలా సులువవుతుంది.

ఎప్పటికీ క్రేజ్ తగ్గని బజాజ్ పల్సర్ N250

భారతదేశంలో పల్సర్ బ్రాండ్‌కు ఉన్న క్రేజ్ గురించి ప్రత్యేకంగా చెప్పక్కర్లేదు. ఈ సెగ్మెంట్‌లో మోస్ట్ పాపులర్ బైక్ అయిన Bajaj Pulsar N250లో 249cc ఎయిర్ అండ్ ఆయిల్-కూల్డ్ ఇంజన్‌ను అమర్చారు. ఇది 24.5hp పవర్‌ను ప్రొడ్యూస్ చేస్తుంది. సిటీ రోడ్లపై, హైవేలపై సమానమైన పర్ఫార్మెన్స్ ఇచ్చేలా కంపెనీ దీని ఇంజన్‌ను ట్యూన్ చేసింది. ఈ బైక్ బరువు 162 కేజీలు కాగా, సీట్ హైట్ 795mm గా ఉంది. దీని కొత్త మోడల్‌లో ట్రాక్షన్ కంట్రోల్, రైడింగ్ మోడ్స్, ఎల్‌ఈడీ లైట్లు, డ్యూయల్-ఛానల్ ఏబీఎస్, బ్లూటూత్ సపోర్ట్ ఉన్న డిజిటల్ డిస్‌ప్లే వంటి ఎన్నో అధునాతన ఫీచర్లను జోడించారు.