Mahindra : మహీంద్రా ఎలక్ట్రిక్ కార్లపై అదిరిపోయే ఆఫర్లు.. రూ.4 లక్షల వరకు భారీ తగ్గింపు

Mahindra : భారతీయ ఎలక్ట్రిక్ వాహన మార్కెట్లో తన పట్టును మరింత బిగించేందుకు దేశీయ దిగ్గజం మహీంద్రా సిద్ధమైంది. ఈ నెలలో తన ఎలక్ట్రిక్ ఎస్‌యూవీల శ్రేణిపై ఏకంగా రూ.4 లక్షల వరకు భారీ డిస్కౌంట్లను ప్రకటించి కస్టమర్లకు బంపర్ ఆఫర్ ఇచ్చింది. పెట్రోల్, డీజిల్ ధరల భారం నుంచి తప్పించుకోవాలనుకునే వారికి, పర్యావరణ హితమైన ప్రయాణాన్ని కోరుకునే వారికి ఇది సరైన సమయం. ముఖ్యంగా మహీంద్రాకు చెందిన పాపులర్ ఈవీ మోడల్స్ అయిన XEV 9e, BE 6, XUV400 వంటి కార్లపై ఈ ఆఫర్లు అందుబాటులో ఉన్నాయి.

1. మహీంద్రా XUV400 EL Pro

మహీంద్రా తన ఎలక్ట్రిక్ లైనప్‌లో అత్యధికంగా XUV400 EL Pro మోడల్‌పై రూ.4 లక్షల వరకు తగ్గింపును ప్రకటించింది. ఇందులో 34.5 kWh, 39.4 kWh బ్యాటరీ ఆప్షన్లు ఉన్నాయి. ఇవి వరుసగా 359 కి.మీ, 456 కి.మీ రేంజ్ అందిస్తాయి. ఈ కారులోని మోటార్ 147.5 bhp పవర్, 310 Nm టార్క్‌ను ఉత్పత్తి చేస్తుంది. దీని ప్రారంభ ధర రూ. 17.49 లక్షలు (ఎక్స్-షోరూమ్). భారీ డిస్కౌంట్ తర్వాత ఇది ఒక అద్భుతమైన డీల్ అని చెప్పవచ్చు.

2. మహీంద్రా BE 6

మహీంద్రా ఫ్యూచరిస్టిక్ బోర్న్ ఎలక్ట్రిక్ కారు BE 6 పై ఈ నెలలో రూ.2 లక్షల వరకు క్యాష్ డిస్కౌంట్ లభిస్తోంది. ఇందులో కూడా 59 kWh, 79 kWh బ్యాటరీ ప్యాక్‌లు ఉన్నాయి. ఈ కారు 227.9 bhp నుంచి 281.6 bhp వరకు పవర్‌ను ఉత్పత్తి చేస్తుంది. రియర్-వీల్ డ్రైవ్ ఆప్షన్‌తో వచ్చే ఈ కారు ధర రూ.19.65 లక్షల నుంచి మొదలవుతుంది. స్పోర్టీ లుక్, అడ్వాన్స్‌డ్ టెక్నాలజీ కోరుకునే వారికి ఇది సరైన ఛాయిస్.

3. మహీంద్రా XEV 9e

మహీంద్రా ప్రీమియం ఎలక్ట్రిక్ ఎస్‌యూవీ XEV 9e పై రూ.1.4 లక్షల వరకు క్యాష్ డిస్కౌంట్ అందుబాటులో ఉంది. ఇది కేవలం రియర్-వీల్ డ్రైవ్‌తో మాత్రమే వస్తుంది. ఇందులో 59 kWh బ్యాటరీ వెర్షన్ 227.97 bhp పవర్ ఇస్తే, 79 kWh వెర్షన్ ఏకంగా 281.6 bhp పవర్‌ను ఇస్తుంది. ఈ రెండూ కూడా 380 Nm భారీ టార్క్‌ను ఉత్పత్తి చేస్తాయి. దీని ప్రారంభ ఎక్స్-షోరూమ్ ధర రూ. 21.90 లక్షలుగా ఉంది.

ప్రస్తుతం మహీంద్రా తన పోర్ట్‌ఫోలియోలో XUV 3XO EV ని కూడా చేర్చింది. భవిష్యత్తులో మరిన్ని వినూత్న ఎలక్ట్రిక్ వాహనాలను తీసుకురావాలని ప్లాన్ చేస్తోంది.