Maruti Suzuki : కార్ లవర్స్‌కు పండగే.. జూన్ నెలలో మారుతి కార్లపై రూ.2.15 లక్షల వరకు భారీ డిస్కౌంట్లు

Maruti Suzuki : మీరు ఈ జూన్ 2026 లో సరికొత్త కారును ఇంటికి తీసుకెళ్లాలని ప్లాన్ చేస్తున్నారా? అయితే మీకు ఒక సూపర్ గుడ్ న్యూస్. భారతదేశపు అతిపెద్ద కార్ల తయారీ సంస్థ మారుతి సుజుకి తన కస్టమర్ల కోసం బంపర్ ఆఫర్లను ప్రకటించింది. కంపెనీకి చెందిన పాపులర్ ఎరీనా, ప్రీమియం నెక్సా శ్రేణి కార్లపై జూన్ నెలలో భారీ ఎత్తున తగ్గింపులు, ప్రయోజనాలను అందిస్తోంది. కొన్ని ప్రత్యేక మోడళ్లపై ఈ మొత్తం లాభాలు ఏకంగా రూ.2.15 లక్షల వరకు ఉన్నాయి. కారు కొనుగోలుదారులకు భారీగా డబ్బు ఆదా చేసుకునేందుకు ఇదొక సువర్ణావకాశం.

ఇన్విక్టో ఎమ్‌పీవీపై అత్యధిక డిస్కౌంట్

ఈ జూన్ నెల ఆఫర్లలో అన్నింటికంటే ఎక్కువ లాభం మారుతి సుజుకికి చెందిన అత్యంత ఖరీదైన ప్రీమియం ఎమ్‌పీవీ మారుతి ఇన్విక్టో పై లభిస్తోంది. ఈ కారును కొనుగోలు చేసే వారికి కంపెనీ రూ.2.15 లక్షల వరకు టోటల్ బెనిఫిట్స్ ఇస్తోంది. ఇందులో డైరెక్ట్ క్యాష్ డిస్కౌంట్, పాత కారు మార్చుకునే వారికి ఎక్స్ఛేంజ్ బోనస్, స్క్రాపేజ్ బోనస్, కార్పొరేట్ డిస్కౌంట్లతో పాటు లాయల్టీ రివార్డులు కూడా కలిసి ఉన్నాయి. ప్రీమియం ఎమ్‌పీవీ సెగ్మెంట్‌లో పోటీని తట్టుకొని, అమ్మకాలను మరింత పెంచుకోవడానికి మారుతి ఈ భారీ ఆఫర్‌ను ప్రకటించింది.

గ్రాండ్ విటారాపై రోడ్ టాక్స్ మినహాయింపు

మారుతి సుజుకి తన పాపులర్ ఎస్‌యూవీ గ్రాండ్ విటారా పై కూడా అదిరిపోయే ఆఫర్లను ఇస్తోంది. దీని స్ట్రాంగ్ హైబ్రిడ్ వెర్షన్‌పై రూ.90,000 వరకు డిస్కౌంట్ లభిస్తోంది. కొన్ని రాష్ట్రాల్లో లేదా మార్కెట్లలో కస్టమర్లకు అదనంగా రూ.1.85 లక్షల వరకు రోడ్ టాక్స్ మినహాయింపు (రోడ్ టాక్స్ బెనిఫిట్), 5 సంవత్సరాల ఉచిత ఎక్స్‌టెండెడ్ వారంటీని కూడా అందిస్తున్నారు. ఇక గ్రాండ్ విటారా నార్మల్ పెట్రోల్ మోడల్స్ పై రూ. 1.35 లక్షల వరకు, డెల్టా పెట్రోల్ వేరియంట్ పై రూ. 1.25 లక్షల వరకు, సీఎన్‌జీ మోడల్స్ పై రూ.70,000 వరకు తగ్గింపు పొందవచ్చు.

స్విఫ్ట్, బ్రెజ్జా, బడ్జెట్ కార్ల రేట్లు డౌన్

అరేనా షోరూమ్ ద్వారా విక్రయించే కార్లలో మారుతి బ్రెజ్జా పై రూ.55,000 వరకు, ఫ్యామిలీ కార్ వ్యాగన్ ఆర్ పై రూ.52,500 వరకు ఆఫర్లు ఉన్నాయి. ఎంట్రీ-లెవల్ చిన్న కారు ఆల్టో కే10 పై కూడా రూ.52,500 వరకు తగ్గింపు లభిస్తోంది. ఇటీవలే కొత్త లుక్‌లో వచ్చిన మారుతి స్విఫ్ట్ ఏజీఎస్ (ఆటోమేటిక్) వేరియంట్‌పై రూ. 45,000 వరకు, అలాగే స్విఫ్ట్ పెట్రోల్ మాన్యువల్, సీఎన్‌జీ మోడళ్లపై రూ.40,000 వరకు ఆఫర్లు ఉన్నాయి. ఇవి కాకుండా ఎస్-ప్రెస్సో, సెలెరియో, ఈకో కార్లపై రూ. 37,500 వరకు లాభాలు ఉండగా, కమర్షియల్ టూర్ మోడళ్లపై రూ.25,000 నుంచి రూ.70,000 వరకు డిస్కౌంట్లు ఇస్తున్నారు.

బాలెనో, ఫ్రాంక్స్, జిమ్నీలపై ఆఫర్లు

నెక్సా షోరూమ్ లలో లభించే ప్రీమియం హాచ్‌బ్యాక్ మారుతి బాలెనో పెట్రోల్ వెర్షన్‌పై రూ.40,000 వరకు, సీఎన్‌జీ వెర్షన్‌పై రూ.35,000 వరకు తగ్గింపు ఉంది. మారుతి ఇగ్నిస్ ఆటోమేటిక్ మోడల్‌పై రూ.45,000 వరకు, మాన్యువల్ మోడల్‌పై రూ.40,000 వరకు ఆఫర్లు లభిస్తున్నాయి. యువతను బాగా ఆకట్టుకుంటున్న మారుతి ఫ్రాంక్స్ టర్బో-పెట్రోల్ వేరియంట్‌పై రూ.25,000 వరకు, నార్మల్ పెట్రోల్, సీఎన్‌జీ మోడళ్లపై రూ.15,000 వరకు లాభాలు ఉన్నాయి. ఆఫ్‌రోడింగ్ ప్రియుల కోసం మారుతి జిమ్నీ అన్ని వేరియంట్లపై రూ.45,000 వరకు డిస్కౌంట్ ఇస్తున్నారు. అయితే, మార్కెట్లో విపరీతమైన డిమాండ్ ఉన్న మారుతి డిజైర్, ఎర్టిగా కార్లపై కంపెనీ ఎలాంటి ఆఫర్లను ప్రకటించలేదు. ఈ ఆఫర్లన్నీ కేవలం జూన్ 2026 నెలలో జరిగే రిటైల్ సేల్స్, రిజిస్ట్రేషన్లకు మాత్రమే వర్తిస్తాయి.