TVS Radeon: ఒక్కసారి పెట్రోల్ కొట్టిస్తే 700 కిలోమీటర్లు పక్కా.. బడ్జెట్ ధరలో సూపర్ ఫీచర్లు

TVS Radeon: భారతదేశ మధ్యతరగతి ప్రజలకు బైక్ అంటే కేవలం ప్రయాణ సాధనం మాత్రమే కాదు, అదొక ఆర్థిక భరోసా. అందుకే కొత్త బైక్ కొనాలనుకునే ఎవరైనా సరే ముందుగా అడిగే ప్రశ్న మైలేజీ ఎంత ఇస్తుంది? అని. పెట్రోల్ ధరలు మండుతున్న ఈ రోజుల్లో, తక్కువ బడ్జెట్‌లో ఎక్కువ మైలేజీ ఇచ్చే బైక్ కోసం వెతుకుతున్న వారికి టీవీఎస్ రేడియన్ ఒక అద్భుతమైన ఆప్షన్. దేశంలోనే అత్యంత చౌకైన బైక్‌లలో ఒకటిగా పేరుగాంచిన ఈ బైక్, ఒక్కసారి ఫుల్ ట్యాంక్ చేస్తే ఏకంగా 700 కిలోమీటర్ల కంటే ఎక్కువ దూరం ప్రయాణించగలదు. దీని ప్రారంభ ధర కేవలం రూ.55,100 (ఎక్స్-షోరూమ్) మాత్రమే కావడం విశేషం. మార్కెట్లో దీనికి ప్రధాన పోటీదారులుగా బజాజ్ ప్లాటినా, హీరో స్ప్లెండర్ ప్లస్ వంటి దిగ్గజాలు ఉన్నప్పటికీ, తనదైన శైలిలో రేడియన్ దూసుకుపోతోంది.

టెక్నికల్ పరంగా చూస్తే, టీవీఎస్ రేడియన్‌లో 109.7 సీసీ డ్యూరాలైఫ్ ఇంజిన్‌ను అమర్చారు. ఇది ఎకో-థ్రస్ట్ ఫ్యూయల్ ఇంజెక్షన్ టెక్నాలజీతో పనిచేస్తుంది. ఈ ఇంజిన్ 8.08 bhp పవర్‌ను, 8.7 Nm టార్క్‌ను ఉత్పత్తి చేస్తుంది. సిటీ ట్రాఫిక్‌లో కూడా చాలా సునాయాసంగా నడపడానికి వీలుగా ఇందులో 4-స్పీడ్ గేర్‌బాక్స్ ఇచ్చారు. ఈ బైక్ గరిష్ట వేగం గంటకు సుమారు 90 కిలోమీటర్లు. కేవలం నగరాల్లోనే కాకుండా, గ్రామాల్లోని కచ్చా రోడ్లపై కూడా సులభంగా ప్రయాణించేలా దీని డిజైన్ ఉంటుంది. లాంగ్ జర్నీ చేసే వారికి కూడా ఈ బైక్ సీటింగ్ చాలా సౌకర్యవంతంగా అనిపిస్తుంది.

మైలేజీ విషయానికి వస్తే, కంపెనీ క్లెయిమ్ చేసిన ప్రకారం టీవీఎస్ రేడియన్ లీటరుకు 73.68 కిలోమీటర్ల మైలేజీని ఇస్తుంది. అయితే రియల్ వరల్డ్ కండిషన్లలో కూడా ఇది లీటరుకు 62 నుంచి 70 కిలోమీటర్ల వరకు సగటు మైలేజీని అందిస్తుంది. ఈ బైక్ ట్యాంక్ కెపాసిటీని బట్టి ఒక్కసారి ఫుల్ ట్యాంక్ చేస్తే దాదాపు 700 కిలోమీటర్ల వరకు ఆగకుండా వెళ్ళవచ్చు. అంటే రోజూ ఆఫీసులకు వెళ్లేవారికి లేదా చిన్నపాటి ప్రయాణాలు చేసేవారికి నెలకు రెండు సార్లు పెట్రోల్ కొట్టిస్తే చాలు అన్నమాట. దీనివల్ల మధ్యతరగతి జేబుకు పెద్దగా చిల్లు పడదు.

ఫీచర్ల పరంగా కూడా టీవీఎస్ ఎక్కడా తగ్గలేదు. రేడియన్‌లో LED DRLs, విశాలమైన సీటు, మొబైల్ ఛార్జింగ్ కోసం USB పోర్ట్, సైడ్ స్టాండ్ కట్-ఆఫ్ స్విచ్, సెమీ డిజిటల్ కన్సోల్ వంటి ఆధునిక ఫీచర్లు ఉన్నాయి. సేఫ్టీ కోసం ఫ్రంట్ లో 130 mm డ్రమ్ బ్రేక్‌లు, టాప్ వేరియంట్‌లో 240 mm డిస్క్ బ్రేక్‌లు ఇచ్చారు. వెనుక వైపు 110 mm డ్రమ్ బ్రేక్స్ ఉన్నాయి. సింక్రొనైజ్డ్ బ్రేకింగ్ టెక్నాలజీ ఉండటం వల్ల సడన్ బ్రేక్ వేసినా బైక్ అదుపు తప్పదు. 18 అంగుళాల అలాయ్ వీల్స్, ఎక్కువ గ్రౌండ్ క్లియరెన్స్ ఉండటం వల్ల రాళ్లూ రప్పలు ఉన్న దారుల్లో కూడా ఈ బైక్ రాజాలా సాగుతుంది.