Post Office : వృద్ధులకు బంపర్ ఆఫర్.. ఈ పోస్టాఫీసు స్కీమ్ తో ఏడాదికి రూ. 2.46 లక్షల వడ్డీ

Post Office : పోస్టాఫీసులో చాలా చిన్న పొదుపు పథకాలు ఉన్నాయి. వీటిలో సుకన్య సమృద్ధి, సీనియర్ సిటిజన్ సేవింగ్స్ పథకం అత్యధిక వడ్డీని ఇస్తున్నాయి. ఈ రెండింటికీ ఏడాదికి 8.2% వడ్డీ లభిస్తుంది. సుకన్య సమృద్ధి ఖాతా ఆడపిల్లల కోసం ఎక్కువ కాలం పెట్టుబడి పెట్టడానికి చాలా మంచిది. మరోవైపు, పోస్టాఫీస్ సీనియర్ సిటిజన్ పథకం ఒకేసారి పెద్ద మొత్తంలో డబ్బు పెట్టి, క్రమం తప్పకుండా ఆదాయం పొందడానికి సహాయపడుతుంది. పోస్టాఫీస్ సీనియర్ సిటిజన్ పథకంలో 60 సంవత్సరాలు దాటిన వారు పెట్టుబడి పెట్టడానికి అర్హులు. రూ. 1,000 నుండి రూ. 30,00,000 వరకు ఒకేసారి డబ్బు పెట్టవచ్చు. 5 సంవత్సరాలకు పూర్తి అవుతుంది. కావాలంటే ప్రతి 3 సంవత్సరాలకు ఒకసారి తిరిగి నమోదు చేసుకోవచ్చు. ప్రస్తుతం 8.2% వడ్డీ నిర్ణయించబడింది. ప్రతి మూడు నెలలకు ఒకసారి వడ్డీ రేటును మారుస్తుంటారు. ప్రతి మూడు నెలలకు ఒకసారి వడ్డీని చెల్లిస్తారు.

పోస్టాఫీసు సీనియర్ సిటిజన్ పథకంలో మీరు రూ. 30 లక్షల వరకు పెట్టుబడి పెట్టవచ్చు. ఒకవేళ మీరు రూ. 30 లక్షలను ఒకేసారి డిపాజిట్ చేస్తే, సంవత్సరానికి వడ్డీ రూ. 2.46 లక్షలు అవుతుంది. ప్రతి మూడు నెలలకు వడ్డీ ఆదాయాన్ని పంచుతారు. దీనిని మీరు నెలవారీగా లెక్కించినప్పుడు, నెలకు రూ. 20,500 అవుతుంది. అంటే దాదాపు రూ. 20,000 నెలవారీ ఆదాయం వస్తుంది. మీకు నెలవారీగా చేతికి ఆదాయం ఇచ్చే పథకం కావాలంటే పోస్ట్ ఆఫీస్‌లోనే మంత్లీ ఇన్‌కమ్ పథకం ఉంది. ఇందులో సీనియర్ సిటిజన్ పథకం అంత వడ్డీ రాకపోయినా, ఫిక్స్‌డ్ డిపాజిట్ కంటే మెరుగైన వడ్డీ ఉంటుంది.

పోస్టాఫీస్ సీనియర్ సిటిజన్ పథకం ఐదేళ్ల కాల వ్యవధికి సంబంధించినది. ఈ కాలం ముగియక ముందే డబ్బును వెనక్కి తీసుకోవడానికి కొన్ని నిబంధనలు ఉన్నాయి. ఖాతా తెరిచిన ఒక సంవత్సరంలోపు మూసివేస్తే వడ్డీ లభించదు. కేవలం పెట్టిన డబ్బును మాత్రమే తిరిగి చెల్లిస్తారు. 1-2 సంవత్సరాలలో ఖాతాను నిలిపివేస్తే వడ్డీ మొత్తం నుండి 1.5% మినహాయిస్తారు. 2-5 సంవత్సరాలలో నిలిపివేస్తే 1% వడ్డీ డబ్బును మినహాయిస్తారు. పోస్టాఫీస్ సీనియర్ సిటిజన్ పథకంలో చేసిన పెట్టుబడికి పన్ను మినహాయింపులు లభిస్తాయి. సెక్షన్ 80సి కింద ఒకటిన్నర లక్షల రూపాయల వరకు పెట్టుబడికి పన్ను మినహాయింపు పొందవచ్చు. అలాగే ఈ పథకంలో మీకు ఒక ఆర్థిక సంవత్సరంలో వడ్డీ ఆదాయం లక్ష రూపాయలు దాటితే ఆ అదనపు మొత్తానికి టీడీఎస్ వర్తిస్తుంది.