Rashmika Gets Emotional: ఈ నొప్పిని భరించలేకపోతున్నా.. రష్మిక ఎమోషనల్

Rashmika Gets Emotional: తెరపై ఎప్పుడూ నవ్వుతూ, చలాకీగా కనిపించే స్టార్ హీరోయిన్ రష్మిక మందన్న, తాను కొన్నేళ్లుగా ఎదుర్కొంటున్న ఆన్‌లైన్ వేధింపులు, ద్వేషం, ట్రోలింగ్‌పై తీవ్ర భావోద్వేగానికి లోనయ్యారు. ఇటీవల నిఖిల్ తనేజా హోస్ట్ చేసిన 'వి ఆర్ యువా' కార్యక్రమంలో పాల్గొన్న ఆమె, తన మనసులోని బాధను బయటపెడుతూ కన్నీటిపర్యంతమయ్యారు. ‘‘గత కొన్నేళ్లుగా నాపై తీవ్రమైన ద్వేషం ప్రదర్శిస్తున్నారు. ప్రతీరోజూ నిద్రలేవగానే నన్ను ద్వేషిస్తూ వచ్చే నెగటివ్ కామెంట్లే కనిపిస్తాయి. అందరికీ నేనే పంచ్ బ్యాగ్‌లా కనిపిస్తున్నానా? ఈ నొప్పిని నేను భరించలేకపోతున్నాను’’ అంటూ ఆమె ఆవేదన వ్యక్తం చేశారు. తన ఎదుగుదలను అడ్డుకోవడానికి డబ్బులిచ్చి మరీ ట్రోల్ చేయిస్తున్నారని రష్మిక ఆరోపించారు.

డీప్‌ఫేక్ వీడియో స్పందన:

గతంలో తన మార్ఫింగ్ డీప్‌ఫేక్ వీడియో ఘటనను గుర్తు చేసుకుంటూ రష్మిక తీవ్ర భయాన్ని వ్యక్తం చేశారు. ‘‘ఆ డీప్‌ఫేక్ వీడియో వచ్చినప్పుడు నేను చాలా భయపడ్డాను. నాకంటే ఎక్కువగా నా కుటుంబ సభ్యులు, ముఖ్యంగా నా చెల్లెలు తీవ్ర ఆందోళనకు గురయ్యారు. నా కుటుంబంలో ఇలాంటివి చూసే అలవాటు ఎవరికీ లేదు. నావల్ల వాళ్లు భయపడటం నన్ను మరింత బాధించింది’’ అని తెలిపారు.

నేను ఏం తప్పు చేశాను?

‘‘ఒక నటిగా నా పని నేను చేస్తున్నాను. నా నటనతో ప్రేక్షకులను సంతోషపెట్టడానికి ప్రయత్నిస్తున్నాను. అయినా నాపై ఎందుకింత ద్వేషం? నేనేం తప్పు చేశానని నన్ను ఇంతలా టార్గెట్ చేస్తున్నారు?’’అని రష్మిక ప్రశ్నించారు. కెరీర్‌లో అగ్రస్థానంలో ఉన్నప్పటికీ, వ్యక్తిగతంగా ఎదుర్కొంటున్న ఈ వేధింపులు తనను మానసికంగా కుంగదీస్తున్నాయని ఆమె వాపోయారు. ప్రస్తుతం రష్మిక వ్యాఖ్యలు సోషల్ మీడియాలో వైరల్ అవుతున్నాయి.