Remove Them Before Adhika Masam Ends: మీ ఇంట్లో ఈ 4 వస్తువులు ఉన్నాయా? అధిక మాసం ముగిసేలోపు తీసేయండి.. లేదంటే దారిద్య్రం తప్పదు..

Remove Them Before Adhika Masam Ends: సనాతన ధర్మంలో అధిక మాసానికి అత్యంత పవిత్రమైన, ప్రత్యేకమైన స్థానం ఉంది. ప్రతి మూడు సంవత్సరాలకు ఒకసారి వచ్చే ఈ పుణ్య మాసానికి సాక్షాత్తూ ఆ శ్రీమహావిష్ణువు అధిపతి. అందుకే దీనిని "పురుషోత్తమ మాసం" అని పిలుస్తూ.. ఈ కాలంలో విష్ణుమూర్తి ఆరాధనకు, దానధర్మాలకు పెద్దపీట వేస్తారు.

అయితే వాస్తు శాస్త్రం ప్రకారం.. ఈ పవిత్రమైన అధిక మాసంలో పూజలు చేయడంతో పాటు ఇంటి పరిసరాలను కూడా అత్యంత శుభ్రంగా ఉంచుకోవడం, సానుకూల శక్తిని పెంచుకోవడం చాలా ముఖ్యం. ఈ కాలంలో ఇంట్లో ఉండే కొన్ని పాత, విరిగిన వస్తువులు తీవ్రమైన ప్రతికూల ప్రభావాన్ని చూపి, లక్ష్మీదేవి ఆగ్రహానికి కారణమవుతాయని వాస్తు నిపుణులు హెచ్చరిస్తున్నారు. దారిద్ర్యం చుట్టుముట్టకుండా ఉండాలంటే.. ఈ అధిక మాసం ముగిసేలోపు ఇంట్లో నుండి వెంటనే తొలగించాల్సిన ఆ 4 వస్తువులు ఏంటో ఇప్పుడు వివరంగా తెలుసుకుందాం.

---

విరిగిన దేవుని విగ్రహాలు, చిరిగిన పటాలు:

వాస్తు శాస్త్రం ప్రకారం, ఇంట్లోని పూజా గదిలో గానీ లేదా మరెక్కడైనా గానీ విరిగిన దేవతా విగ్రహాలను, ముక్కలైన బొమ్మలను లేదా రంగులు వెలిసిపోయి, చిరిగిన దేవుని ఫోటోలను ఉంచడం అస్సలు మంచిది కాదు. ఇవి ఇంట్లో నెగెటివ్ ఎనర్జీని విపరీతంగా పెంచుతాయి. అందువల్ల, ఈ పవిత్రమైన పురుషోత్తమ మాసంలో అటువంటి విగ్రహాలను, చిత్రపటాలను భక్తిశ్రద్ధలతో సముద్రంలో, నదిలో లేదా పారే నీటిలో నిమజ్జనం చేయడం ఉత్తమం.

వాడిపోయిన, ఎండిపోయిన మొక్కలు..

చాలామంది ఇళ్లలో ఇండోర్ ప్లాంట్లు లేదా పెరట్లో మొక్కలు పెంచుతుంటారు. అయితే వాటిలో ఏవైనా పూర్తిగా ఎండిపోయినా లేదా వాడిపోయినా వాటిని అలాగే ఉంచకూడదు. ఎండిపోయిన మొక్కలు ఇంట్లో నిరాశకు, నిస్సహాయతకు సంకేతం. ఇవి కుటుంబ సభ్యుల మానసిక ప్రశాంతతను దెబ్బతీయడమే కాకుండా వారి ఆర్థిక పురోగతిపై కూడా చెడు ప్రభావాన్ని చూపుతాయి. కాబట్టి, వెంటనే ఆ ఎండిపోయిన మొక్కలను తీసివేసి, వాటి స్థానంలో కొత్త పచ్చని మొక్కలను నాటండి.

పగిలిన గాజు వస్తువులు, పాత అద్దాలు..

ఇంట్లో పగిలిన గాజు ముక్కలు, పగుళ్లు వచ్చిన అద్దాలు లేదా అంచులు విరిగిన పింగాణీ, స్టీల్ పాత్రలను అస్సలు ఉంచకూడదు. వాస్తు శాస్త్రం ప్రకారం ఇవి పెద్ద వాస్తు దోషాలకు కారణమవుతాయి. పగిలిన అద్దాలు ఇంట్లోకి వచ్చే లక్ష్మీదేవిని అడ్డుకుంటాయని, దీనివల్ల కుటుంబంలో అనవసరమైన ఉద్రిక్తతలు, గొడవలు మరియు ఊహించని ఆర్థిక నష్టాలు జరుగుతాయని నమ్ముతారు. కాబట్టి, అటువంటి వస్తువులను వెంటనే ఇంటి నుండి పారేయండి.

ఆగిపోయిన లేదా పాడైపోయిన గడియారాలు..

హిందూ సంప్రదాయంలో గడియారాలను కేవలం సమయం చూసే సాధనంగానే కాకుండా.. మన జీవిత కాలానికి, నిరంతర పురోగతికి ప్రతీకగా భావిస్తారు. వాస్తు ప్రకారం.. ఇంట్లో ఆగిపోయిన లేదా రిపేర్ వచ్చిన గడియారాలు ఉంటే.. అది ఇంట్లోని సానుకూల శక్తిని స్తంభింపజేస్తుంది. ఇవి కుటుంబ సభ్యుల ఉద్యోగాలు, వ్యాపార ఎదుగుదలకు తీవ్రమైన ఆటంకాలు కలిగిస్తాయి. అందుకే, ఇంట్లో మూలల్లో పడి ఉన్న పాడైపోయిన గడియారాలను వెంటనే బాగు చేయించండి లేదా వాటిని ఇంటి నుండి తొలగించండి.

పండితుల సలహా..

సనాతన ధర్మంలో అధిక మాసంలో చేసే చిన్న చిన్న మార్పులు కూడా జీవితంలో పెద్ద సానుకూల మార్పులను తీసుకువస్తాయి. వాస్తు శాస్త్రంలో చెప్పబడిన ఈ నియమాలను పాటించి, ఇంట్లోని ప్రతికూల వస్తువులను తొలగించడం ద్వారా విష్ణుమూర్తి మరియు లక్ష్మీదేవి అనుగ్రహం లభించి, సంపద, మనశ్శాంతి చేకూరుతాయని వాస్తు మేధావులు సలహా ఇస్తున్నారు.