Never Offer Prayers Facing South: పొరపాటున కూడా దక్షిణం వైపు నమస్కరించకండి.. ఎందుకో తెలుసా?

Never Offer Prayers Facing South: సాధారణంగా మనం గౌరవప్రదంగా పెద్దలకు లేదా దైవానికి నమస్కరించడం ఒక అలవాటు. కానీ ఆ నమస్కారం చేసేటప్పుడు మీరు ఏ దిశకు తిరిగి ఉన్నారన్నది చాలా ముఖ్యం. దక్షిణ దిశ వైపు తిరిగి నమస్కరించడం వల్ల అశుభ ఫలితాలు ఎదురవుతాయని శాస్త్రాలు హెచ్చరిస్తున్నాయి.

దక్షిణం - యముని స్థానం

శాస్త్రాల ప్రకారం దక్షిణ దిశకు అధిపతి యమధర్మరాజు. ఈ దిశను పితృదేవతల నివాస స్థానంగా కూడా భావిస్తారు. సాధారణంగా మనం గురువులకు లేదా పెద్దలకు నమస్కరించినప్పుడు వారు మనల్ని దీర్ఘాయుష్మాన్ భవ అని ఆశీర్వదిస్తారు. కానీ దక్షిణం వైపు తిరిగి నమస్కరిస్తే మాత్రం దానికి విరుద్ధమైన ఫలితాలు వచ్చే అవకాశం ఉందని గరుడ పురాణం చెబుతోంది.

యముని ఆశీర్వాదం ఎలా ఉంటుంది

గరుడ పురాణంలోని ప్రస్తావన ప్రకారం.. ఎవరైనా దక్షిణం వైపు తిరిగి యమధర్మరాజుకు నమస్కరిస్తే, ఆయన ఆ వ్యక్తి చేసిన పాపపు పనుల ఫలితాలను అనుభవించమని ఆశీర్వదిస్తాడు. అంటే ఆ వ్యక్తికి అనారోగ్యం కలగడం లేదా ఆత్మకు వేదన కలగడం వంటివి జరుగుతాయి. అందుకే దక్షిణం వైపు తిరిగి నమస్కరించడం అశుభమని జ్యోతిష్య నిపుణులు వివరించారు.

ఒకవేళ పెద్దలు దక్షిణం వైపు ఉంటే ఏం చేయాలి?

కొన్నిసార్లు మనం గౌరవించాల్సిన పెద్దలు లేదా గురువులు దక్షిణం వైపు ముఖం చేసి కూర్చుని ఉండవచ్చు. అటువంటప్పుడు నేరుగా వారికి ఎదురుగా నమస్కరించకూడదు. అటువంటి సందర్భాలలో మీరు వేరే దిశకు తిరిగి నమస్కరించడం ఉత్తమం. దిశను మార్చి నమస్కరించడం వల్ల దోషం కలగదని పెద్దలు చెబుతారు.

మినహాయింపులు కూడా ఉన్నాయి

సంధ్యావందనం వంటి ఆచారాలను నిర్వహించేటప్పుడు నాలుగు దిశలకు నమస్కరించడం తప్పనిసరి. ఇక్కడ ఇది విధిగా పరిగణించబడుతుంది కాబట్టి దోషం ఉండదు.

అంతిమ సంస్కారాల సమయంలో మాత్రమే దక్షిణం వైపు నమస్కారాలు చేయడం సంప్రదాయం.

మరి ఏ దిశ శుభప్రదం?

తూర్పు: సూర్యుడు ఉదయించే దిశ కాబట్టి తూర్పు వైపు తిరిగి నమస్కరించడం వల్ల జ్ఞానం, ఆరోగ్యం లభిస్తాయి.

ఉత్తరం: ఇది కుబేర స్థానం, దైవిక శక్తి కలిగిన దిశ. ఈ వైపు నమస్కరించడం వల్ల ఐశ్వర్యం, అభివృద్ధి కలుగుతాయి.

శాస్త్రాల ప్రకారం మనం చేసే ప్రతి క్రియ వెనుక ఒక పరమార్థం ఉంటుంది. దక్షిణం వైపు నమస్కరించకుండా జాగ్రత్త పడటం ద్వారా అనారోగ్య సమస్యల నుండి, మానసిక అశాంతి నుండి మనల్ని మనం కాపాడుకోవచ్చు.