Aarti Flame: హారతిని కళ్ళకు ఎందుకు అద్దుకోవాలి

Aarti Flame: హారతిని కళ్ళకు అద్దుకోవడాన్ని భారతదేశంలో ఒక పురాతన సంప్రదాయంగా, ఆధ్యాత్మిక ఆచారంగా పాటిస్తారు. ఈ ఆచారానికి మతపరమైన, శాస్త్రీయ కారణాలు ఉన్నాయి. హారతి అనేది దేవునికి లేదా గురువుకు నమస్కారం చేసే పద్ధతి. హారతి వెలిగించినప్పుడు, దాని జ్వాల నుంచి వచ్చే వెచ్చదనం, కాంతి ఒక శక్తిగా భావిస్తారు. ఆ వెచ్చదనాన్ని కళ్ళకు అద్దుకోవడమంటే, ఆ శక్తిని, దైవత్వాన్ని మనలోకి తీసుకోవడం. దీనివల్ల మన మనసుకు శాంతి, సానుకూల శక్తి లభిస్తాయి. శాస్త్రం ప్రకారం, హారతి జ్వాల నుంచి వచ్చే వేడి మన కళ్ళ చుట్టూ ఉన్న కండరాలను ఉత్తేజపరుస్తుంది. దీనివల్ల రక్త ప్రసరణ మెరుగుపడుతుంది. అలాగే హారతిలో ఉపయోగించే కర్పూరం లేదా నూనె నుంచి వచ్చే సువాసన మనస్సును రిలాక్స్ చేసి, ఒత్తిడిని తగ్గిస్తుంది. హారతిని తీసుకున్న తర్వాత, చేతిని హారతి జ్వాల మీద ఉంచి, ఆ వేడిని చేతుల్లోకి తీసుకుంటారు. తర్వాత ఆ చేతులను కళ్ళకు అద్దుకుంటారు. ఈ ప్రక్రియ వల్ల మన మనస్సు, శరీరం కూడా విశ్రాంతి పొందుతాయి. ఈ ఆచారం భక్తి, ఆరోగ్యం, మనశ్శాంతిని సూచిస్తుంది.