Ayyappa Padi Puja: అయ్యప్ప పడి పూజ ఎందుకు చేయాలి?

Ayyappa Padi Puja: మండల దీక్ష తీసుకున్న స్వాములు తమ ఇళ్లలో లేదా దేవాలయాలలో నిర్వహించే ముఖ్యమైన పూజా కార్యక్రమం 'పడి పూజ'. ఈ పూజ ప్రధానంగా శబరిమలలోని 18 పవిత్ర మెట్లను స్మరించుకుంటూ స్వామి అనుగ్రహాన్ని పొందేందుకు నిర్వహిస్తారు. శబరిమలలోని 18 మెట్లు 18 రకాల దేవతలను, ముఖ్యంగా 18 పురాణ శక్తులను లేదా 18 గుణాలను (రాజసం, తామసం, సాత్వికం) సూచిస్తాయని చెబుతారు. ఈ పడి పూజ ద్వారా ఆయా శక్తులన్నింటినీ ప్రార్థించడం జరుగుతుంది. ఈ పూజను దీక్షా కాలంలో స్వామికి, దీక్షకు సహకరించిన గురుస్వామికి కృతజ్ఞతగా నిర్వహిస్తారు. యాత్ర విజయవంతంగా ముగిసినందుకు, అయ్యప్ప అనుగ్రహం పొందినందుకు స్వామివారిని పూజించడం ముఖ్య ఉద్దేశం. అయ్యప్పను భక్తితో కొలిచి, ఈ పడి పూజ నిర్వహించడం వలన భక్తులు తమ పాపాలు తొలగిపోయి మోక్షాన్ని పొందుతారని ప్రగాఢంగా విశ్వసిస్తారు. పడి పూజ ఇంట్లో జరుపుకోవడం వలన ఆ ఇంటికి సుఖసంతోషాలు, ఐశ్వర్యం కుటుంబ శాంతి కలుగుతాయని భక్తుల నమ్మకం. ఈ పూజను సాధారణంగా రుద్రపూజ లేదా మహా గణపతి హోమం వంటి ఇతర పూజలతో కలిపి నిర్వహిస్తారు. ఇంటిలోని ఒక పీఠంపై అయ్యప్ప స్వామి చిత్రపటాన్ని లేదా విగ్రహాన్ని ఉంచి, పక్కన శబరిమల మెట్లను సూచించే 18 నిమ్మకాయలు లేదా 18 చిన్న పీఠాలను ఉంచుతారు. ఈ 18 మెట్లను పసుపు, కుంకుమ, గంధం, పుష్పాలతో అలంకరించి, దీపాలు వెలిగించి, ప్రత్యేక పూజలు నిర్వహిస్తారు. చివరిలో అయ్యప్ప భజనలు, శరణు ఘోష మహా హారతి ఇచ్చి తీర్థ ప్రసాదాలు పంచుతారు. ఈ పూజ అయ్యప్ప భక్తులకు శబరిమల యాత్ర అనుభూతిని ఇంటి వద్దనే కలిగించే ఒక గొప్ప ఆధ్యాత్మిక సంప్రదాయం.