Avocado: ఉదయం పూట అవకాడోతో అద్భుత లాభాలు

 Avocado: ఉదయం పూట సమతుల్య ఆహారం తీసుకోవాలని వైద్యులు చెబుతున్నారు. దీనికి ఉత్తమ ఎంపిక అవోకాడో పండు. దీనిని బటర్ పియర్ అని కూడా పిలుస్తారు. కానీ మనలో చాలామంది దీన్ని ఎక్కువగా తినడానికి ఇష్టపడరు. కొంతమందికి ఇది మన ఆరోగ్యానికి చాలా మంచిదని కూడా తెలియదు. కానీ దానివల్ల మీరు ఊహించలేనంత ప్రయోజనాలు ఉన్నాయి. అందుకే వైద్యులు కూడా వీటిని అల్పాహారంగా తినమని సిఫార్సు చేస్తారు. ఇది పోషకాలతో సమృద్ధిగా ఉంటుంది. ఆరోగ్యకరమైన కొవ్వులు, ఫైబర్, విటమిన్లు, మినరల్స్ ను కలిగి ఉంటుంది. మరి, ఈ పండును అల్పాహారంతో తీసుకోవడం వల్ల కలిగే ప్రయోజనాలేంటో తెలుసుకుందాం..

అవకాడో పండు యొక్క ప్రయోజనాలు:

గుండె ఆరోగ్యం:

అవకాడోలోని ఆరోగ్యకరమైన కొవ్వులు గుండె ఆరోగ్యానికి మంచివి. కొలెస్ట్రాల్ స్థాయిలను సమతుల్యం చేయడంలో సహాయపడతాయి.

జీర్ణ సహాయం:

అవకాడోలో ఉండే ఫైబర్ కంటెంట్ జీర్ణక్రియను మెరుగుపరుస్తుంది. మలబద్ధకాన్ని నివారిస్తుంది.

బరువు నియంత్రణ:

అవకాడోలలోని ఫైబర్, కొవ్వులు మిమ్మల్ని ఎక్కువసేపు కడుపు నిండినట్లు ఉంచుతాయి. ఇది బరువు నియంత్రణలో సహాయపడుతుంది. అందువల్ల ఈ పండును ప్రతిరోజూ తీసుకోవడం వల్ల బరువు తగ్గవచ్చు.

వాపు నుండి రక్షణ:

అవకాడోలో యాంటీఆక్సిడెంట్లు ఉంటాయి. ఇవి వాపును తగ్గించడంలో సహాయపడతాయి.

చర్మ ఆరోగ్యాన్ని కాపాడుతుంది:

ఈ పండులో విటమిన్లు E, C పుష్కలంగా ఉంటాయి, ఇవి చర్మాన్ని ఆరోగ్యంగా ఉంచడంలో సహాయపడతాయి. అలాగే విటమిన్ సి కొల్లాజెన్ ఉత్పత్తికి మద్దతు ఇస్తుంది.

పోషకాలు:

అవకాడో విటమిన్ కె, విటమిన్ ఇ, విటమిన్ సి, పొటాషియం, మెగ్నీషియం వంటి ముఖ్యమైన పోషకాలను అందిస్తుంది. అవకాడోను అల్పాహారం, సలాడ్లు, శాండ్‌విచ్‌లు, ఇతర వంటలలో ఉపయోగించవచ్చు.