Melinda Reveals: బిల్ గేట్స్‌తో విడాకులకు ఎప్‌స్టీన్ ఫైల్సే కారణం: మెలిండా వెల్లడి

Melinda Reveals: ప్రపంచాన్ని కుదిపేసిన ఎప్‌స్టీన్ సెక్స్ కుంభకోణం దర్యాప్తు ఫైల్స్‌లో బిల్ గేట్స్‌కు సంబంధించిన వివాదాస్పద విషయాలు బయటపడడంపై ఆయన మాజీ భార్య మెలిండా గేట్స్ స్పందించారు. బిల్ గేట్స్ ఇతర మహిళలతో సన్నిహిత సంబంధాలు పెట్టుకున్న విషయం తెలిసిన తర్వాత తాను తీవ్ర మానసిక వేదనకు గురయ్యానని ఆమె పేర్కొన్నారు. ఈ కారణంగానే తమ వివాహ బంధానికి ముగింపు పలికాల్సి వచ్చిందని వివరించారు.

తన జీవితంలో ఆ కాలం అత్యంత బాధాకరమైనదిగా మెలిండా వ్యాఖ్యానించారు. బిల్ గేట్స్ వివాహ బంధాన్ని కాపాడుకోవడానికి అవసరమైన విలువలను పాటించకపోవడం వల్లే విడాకులు తీసుకున్నామని చెప్పారు. ఇటీవల బయటపడిన ఎప్‌స్టీన్ ఫైల్స్‌లో బిల్ గేట్స్‌పై వచ్చిన ఆరోపణలపై ఆయనే స్పష్టత ఇవ్వాలని, తాను ఏమీ చెప్పలేనని ఆమె అన్నారు. ఈ ఫైల్స్‌లో బాధితులుగా పేర్కొనబడిన మహిళలకు న్యాయం జరుగుతుందని ఆశాభావం వ్యక్తం చేశారు.

మూడు దశాబ్దాలకు పైగా కొనసాగిన తమ వివాహ జీవితానికి 2021లో స్వస్తి పలికిన బిల్-మెలిండా దంపతులకు 20 ఏళ్లకు మించిన ముగ్గురు సంతానం ఉన్నారు. ఎప్‌స్టీన్‌తో బిల్ గేట్స్‌కు ఉన్న సంబంధాలు మెలిండాకు నచ్చకపోవడం వల్లే విడాకులు తీసుకుందని అప్పటి కాలంలో వాల్ స్ట్రీట్ జర్నల్ పత్రిక కథనం ప్రచురించింది. అమెరికా న్యాయవిభాగం ఇటీవల విడుదల చేసిన ఎప్‌స్టీన్ ఫైల్స్‌లో బిల్ గేట్స్ రష్యన్ మహిళలతో లైంగిక సంబంధాలు కలిగి ఉండి, సుఖవ్యాధుల బారిన పడ్డారని ఎప్‌స్టీన్ ఆరోపించినట్లు తెలుస్తోంది. ఈ విషయం బయటపడకుండా ఉండేందుకు మెలిండాకు రహస్యంగా ఇవ్వడానికి యాంటీబయాటిక్స్ అడిగారని కూడా పేర్కొన్నారు. అయితే, ఈ ఆరోపణలను బిల్ గేట్స్ బృందం తీవ్రంగా ఖండించింది. అవి పూర్తిగా అసత్యమైనవని వ్యాఖ్యానించింది.ExpertHow can Grok help?