Strait of Hormuz: హర్మూజ్‌ సీమైన్‌ ఢీకొని రెండు చమురు ట్యాంకర్లు పేలుడు: ఇరాన్‌ దావా.. అమెరికా ఖండన

Strait of Hormuz: హర్మూజ్‌ సంద్రంలో సీమైన్లను ఢీకొట్టి రెండు చమురు ట్యాంకర్లు పేలిపోయాయని ఇరాన్‌ విప్లవ గార్డులు (ఐఆర్‌జీసీ) ప్రకటించారు. అయితే ఈ వాదనను అమెరికా ఖండించింది. ఇరాన్‌ తప్పుడు ప్రచారం చేస్తోందని యూఎస్‌ సెంట్రల్‌ కమాండ్‌ ఎక్స్‌ (ట్విట్టర్‌)లో పోస్ట్‌ చేసింది.

హర్మూజ్‌ సంద్రం ద్వారా జరిగే సముద్ర రవాణాను అమెరికా, ఇరాన్‌ రెండు దేశాలు నియంత్రిస్తున్నాయి. నిబంధనలు ఉల్లంఘించిన నౌకలపై దాడులు చేస్తున్నట్లు రెండు వైపులా ఆరోపణలు ఉన్నాయి. ఈ నేపథ్యంలో అమెరికా నిఘా సమాచారం ఆధారంగా వెళ్తున్న రెండు ట్యాంకర్లు సీమైన్లను ఢీకొట్టి పేలిపోయాయని ఐఆర్‌జీసీ వెల్లడించింది.

ఇదే సమయంలో ఇరాన్‌ తన దేశంలోని అమెరికా సైనిక బేసులపై దాడులు చేస్తున్నట్లు ప్రకటించింది. దీంతో కువైట్‌లో విమాన కార్యకలాపాలను తాత్కాలికంగా నిలిపివేశారు. అమెరికా సైనిక బలగాలకు ఆశ్రయం ఇచ్చే దేశాలపై దాడులు కొనసాగుతాయని ఇరాన్‌ మీడియా తెలిపింది. ఆ దేశాలు తమ పౌరుల భద్రత కోసం చర్యలు తీసుకోవాలని సూచించింది.

ప్రస్తుతం హర్మూజ్‌ సంద్రంలో ఉద్రిక్తతలు పెరిగాయి. ప్రపంచ చమురు రవాణాలో కీలకమైన ఈ మార్గంలో ఏవైనా అస్థిరతలు ఏర్పడితే ప్రపంచ ఆర్థిక వ్యవస్థపై తీవ్ర ప్రభావం చూపే అవకాశం ఉంది. ఈ ఘటనపై ఇంకా వివరాలు వెలువడుతున్నాయి.