Donald Trump: ట్రంప్‌కు ప్రతినిధుల సభలో భారీ ఎదురుదెబ్బ

Donald Trump: అమెరికా అధ్యక్షుడు డొనాల్డ్ ట్రంప్‌కు ప్రతినిధుల సభలో గట్టి ఎదురుదెబ్బ తగిలింది. ఇరాన్‌పై సైనిక చర్యలను పరిమితం చేసే తీర్మానానికి ప్రతినిధుల సభ ఆమోదం తెలిపింది.

ఈ తీర్మానానికి 215 ఓట్లు అనుకూలంగా, 208 ఓట్లు వ్యతిరేకంగా వచ్చాయి. అనవసరమైన, భారీ ఖర్చుతో కూడిన యుద్ధాన్ని వెంటనే ముగించాలని ప్రతినిధులు డిమాండ్ చేశారు.

న్యూయార్క్ డెమోక్రటిక్ ప్రతినిధి గ్రెగొరీ మీక్స్ ఈ తీర్మానాన్ని ప్రవేశపెట్టారు. ఓటింగ్‌లో నలుగురు రిపబ్లికన్ సభ్యులు ట్రంప్ సైనిక చర్యలకు వ్యతిరేకంగా ఓటు వేయడం ఆసక్తికరంగా మారింది.

ఈ తీర్మానం ప్రకారం, కాంగ్రెస్ అధికారికంగా యుద్ధం ప్రకటించకపోతే లేదా సైనిక చర్యలకు ఆమోదం ఇవ్వకపోతే, అమెరికా బలగాలు ఇరాన్‌పై ఎలాంటి దూకుడు చర్యలు తీసుకోకూడదని ట్రంప్‌ను ఆదేశిస్తోంది.

ఈ తీర్మానం వైట్‌హౌస్‌కు పెద్ద దెబ్బగా పరిగణించబడుతోంది. అయితే ఇది ఇరాన్‌తో మూడు నెలలుగా కొనసాగుతున్న సంఘర్షణను తక్షణం ముగించేస్తుందని చెప్పలేము. స్వల్ప తేడాతో ఆమోదం పొందిన ఈ తీర్మానం ఇప్పుడు సెనెట్‌కు వెళ్తుంది. అక్కడ ఆమోదం పొందితే ట్రంప్ వద్దకు చేరుతుంది. ఆయన దీన్ని వీటో చేయవచ్చు.