Mojtaba Khamenei: ఇరాన్ సుప్రీం లీడర్ మొజ్తాబా ఖమేనీ కోమాలో ఉన్నట్లు సంచలన సమాచారం!

Mojtaba Khamenei: పశ్చిమాసియా ఘర్షణల మధ్య ఇరాన్‌లో షాకింగ్ వార్తలు వెలుగులోకి వచ్చాయి. ఇరాన్ సుప్రీం లీడర్ మొజ్తాబా ఖమేనీ (Mojtaba Khamenei) కోమాలో ఉన్నట్లు అంతర్జాతీయ మీడియా కథనాలు వెల్లడించాయి. ఆయన ప్రస్తుతం ఇరాన్‌లోని కోమ్ నగరంలో చికిత్స పొందుతున్నట్లు సమాచారం. అమెరికా-ఇజ్రాయెల్‌ ఇంటెలిజెన్స్‌కు లభించిన నిఘా నివేదికల్లో ఈ విషయం స్పష్టంగా ఉన్నట్లు ఆ కథనాలు పేర్కొన్నాయి.

ఖమేనీ తీవ్ర అనారోగ్యంతో బాధపడుతున్నారని, అపస్మారక స్థితిలో ఉన్నందువల్ల ఎలాంటి నిర్ణయాలు తీసుకోలేని పరిస్థితిలో ఉన్నట్లు మీడియా వర్గాలు తెలిపాయి. అమెరికా-ఇజ్రాయెల్ దాడుల్లో ఆయన గాయపడిన విషయం ఇప్పటికే బయటపడింది. ఇలాంటి సుప్రీం లీడర్ ఆరోగ్య సమస్యలు ఇరాన్ నాయకత్వంపై తీవ్ర ప్రభావం చూపించే అవకాశం ఉందని రాజకీయ విశ్లేషకులు అభిప్రాయపడుతున్నారు.

పశ్చిమాసియాలో ఉద్రిక్తతలు తీవ్రమైన నేపథ్యంలో ఈ వార్తలు అంతర్జాతీయ స్థాయిలో సంచలనం సృష్టించాయి. ఇరాన్‌లో రాజకీయ పరిణామాలు ఏ మలుపు తీసుకుంటాయో అనేది ప్రపంచం ఉన్నతాంశాల్లో ఉంది. ఈ విషయంపై ఇరాన్ అధికారుల నుంచి ఇంకా అధికారిక ప్రకటన రాలేదు. తాజా పరిణామాలు ఎప్పుడు వెలుగులోకి వస్తాయో చూడాలి.