Sam Altman: ఓపెన్ఏఐ సీఈవో శామ్ ఆల్ట్మన్ ఇంటిపై మొలటోవ్ కాక్టెయిల్ దాడి
మొలటోవ్ కాక్టెయిల్ దాడి
శాన్ఫ్రాన్సిస్కోలో సంచలనం.. 20 ఏళ్ల యువకుడు అరెస్టు
Sam Altman: ఓపెన్ఏఐ సీఈవో శామ్ ఆల్ట్మన్ ఇంటిపై అపరిచిత వ్యక్తి మొలటోవ్ కాక్టెయిల్ (పెట్రోలు బాంబు) దాడి చేశాడు. శాన్ఫ్రాన్సిస్కోలోని అతని నివాసం గేటుపై మంటలు చెలరేగడంతో భారీ సంచలనం చోటుచేసుకుంది.
శుక్రవారం తెల్లవారుజామున 4:12 గంటల సమయంలో గుర్తుతెలియని ఒక వ్యక్తి శామ్ ఆల్ట్మన్ ఇంటిపై మండే పరికరాన్ని విసిరి తనను తాను రక్షించుకుని పారిపోయాడని పోలీసులు తెలిపారు. సమాచారం అందగానే పోలీసు బృందం ఘటనా స్థలానికి చేరుకుంది. ఈ దాడిలో ఎవరికీ ఎలాంటి గాయాలు కాలేదని అధికారులు ధృవీకరించారు.
అయితే, దాడి జరిగిన సమయంలో శామ్ ఆల్ట్మన్ ఇంట్లో ఉన్నారా లేదా అనే విషయంపై స్పష్టత లేదు. ఈ దాడి వెనుక ఉన్న ఉద్దేశం ఏమిటో కూడా ఇంకా తెలియరాలేదు. దాడి తర్వాత ఓపెన్ఏఐ ప్రధాన కార్యాలయానికి నిప్పు పెడతామని బెదిరింపు ఫోన్ కాల్స్ కూడా వచ్చాయని సమాచారం.
ఈ ఘటనకు సంబంధించి 20 ఏళ్ల యువకుడిని అనుమానితుడిగా భావించి పోలీసులు అరెస్టు చేశారు. శామ్ ఆల్ట్మన్ ఇంటిపై జరిగిన దాడి మరియు కార్యాలయానికి వచ్చిన బెదిరింపులను ఓపెన్ఏఐ సంస్థ ప్రతినిధి ఒకరు ధృవీకరించారు. ఈ విషయంలో పోలీసుల దర్యాప్తుకు పూర్తి సహకరించేందుకు సంస్థ సిద్ధంగా ఉందని తెలిపారు.