Trump: ట్రంప్: వైట్‌హౌస్ దగ్గర కాల్పుల కలకలం… ఇది ఉగ్రదాడి అని అధికారుల ప్రకటన
ఇది ఉగ్రదాడి అని అధికారుల ప్రకటన
Trump: అమెరికా అధ్యక్ష భవనం శ్వేతసౌధం సమీపంలో జరిగిన కాల్పుల దాడిని ఉగ్రవాద చర్యగా అధ్యక్షుడు డొనాల్డ్ ట్రంప్ ప్రకటించారు. ఈ ఘటనకు మాజీ అధ్యక్షుడు జో బైడెన్ పరిపాలననే కారణమని పరోక్షంగా విమర్శిస్తూ, అఫ్గానిస్తాన్ నుంచి వచ్చిన అనుమానితుడు ఈ దాడికి పాల్పడ్డాడని ట్రంప్ స్పష్టం చేశారు. ఈ దాడి మొత్తం అమెరికాపై జరిగిన విద్వేషపూరిత ఉగ్రవాద చర్య అని, మానవత్వానికి వ్యతిరేకమని ఖండిస్తూ ట్రంప్ మాట్లాడారు.
బైడెన్ పాలిసీలపై తీవ్ర విమర్శలు
కాల్పుల అనంతరం ట్రంప్‌లోని ప్రత్యేక ప్రకటనలో, "ఇది ఒక దారుణమైన దాడి. విద్వేషపూరితమైన ఉగ్రవాద చర్య. ఇది మొత్తం దేశంపై జరిగిన దాడి. మానవత్వానికి వ్యతిరేకంగా జరిగిన దీన్ని మేం ఖండిస్తున్నాం" అని చెప్పారు. అనుమానితుడు అఫ్గానిస్తాన్‌కు చెందినవాడని, బైడెన్ పాలిసీల కారణంగా 2021లో స్పెషల్ వీసాపై అమెరికాలోకి ప్రవేశించాడని ట్రంప్ పేర్కొన్నారు. బైడెన్ అధికారంలో ఉన్నప్పుడు అఫ్గాన్‌ల నుంచి వచ్చిన వారందరినీ తిరిగి విచారించాలని, శరణార్థులు దేశ భద్రతకు ప్రమాదకరమని హెచ్చరించారు. ఈ ఘటన నేపథ్యంలో వాషింగ్టన్‌లో మరో 500 మంది నేషనల్ గార్డ్ దళాలను మోహరించాలని ఆదేశించారు.
అఫ్గాన్ వలసదారుడే నిందితుడు
వైట్‌హౌస్ జోన్ పరిధిలో జరిగిన ఈ కాల్పులు అమెరికాను ఉలిక్కిపడేసాయి. లా ఎన్‌ఫోర్స్‌మెంట్ అధికారులు అనుమానితుడు అఫ్గాన్ జాతీయుడు రెహ్మనుల్లా లఖన్‌వాల్ అని ధ్రువీకరించారు. 2021లో అఫ్గాన్ స్పెషల్ వీసాపై అమెరికాలోకి వచ్చినట్లు తెలిసింది. కాల్పుల్లో అతడికి కూడా గాయాలు పాలై, ఆసుపత్రికి తరలించారు. అతడు ఒంటరిగానే ఈ దాడి చేశాడని దర్యాప్తు బృందం అంచనా. ఈ ఘటనలో ఇద్దరు నేషనల్ గార్డులు తీవ్రంగా గాయపడ్డారని, ప్రాణాపేక్ష లేదని అధికారులు పేర్కొన్నారు. వెస్ట్ వర్జీనియా గవర్నర్ మాత్రం వారు ప్రాణాలు కోల్పోయారని ప్రకటించారు.
అఫ్గాన్ ఇమిగ్రేషన్ దరఖాస్తులు ఆపివేస్తున్నారు
ఈ దాడి నేపథ్యంలో యూఎస్ సిటిజన్‌షిప్ అండ్ ఇమిగ్రేషన్ సర్వీసెస్ (USCIS) కీలక నిర్ణయం తీసుకుంది. అఫ్గానిస్తాన్ నుంచి వచ్చే ఇమిగ్రేషన్ దరఖాస్తులను వెంటనే సస్పెండ్ చేస్తున్నట్లు ప్రకటించింది. దేశ భద్రతకు ప్రాధాన్యత ఇస్తూ, అత్యంత కట్టుబాటు చర్యలు తీసుకుంటున్నామని USCIS స్పష్టం చేసింది. ఈ నిర్ణయం వెంటనే అమలులోకి వస్తుంది.
ఈ ఘటన అమెరికాలో ఇమిగ్రేషన్ విధానాలపై తీవ్ర చర్చను రేకెత్తించింది. ట్రంప్ పాలిసీలు మళ్లీ ముందుకు తీసుకురావాలని రాజకీయ వర్గాల్లో కూలవాగూలు జరుగుతున్నాయి.