Buchi Babu Trophy: హైదరాబాద్ దే బుచ్చిబాబు ట్రోఫీ

Buchi Babu Trophy: ఆలిండియా బుచ్చిబాబు ఇన్విటేషనల్ టోర్నమెంట్ 2025 ఫైనల్‌లో హైదరాబాద్ జట్టు, తమిళనాడు క్రికెట్ అసోసియేషన్ (TNCA) ప్రెసిడెంట్స్ XIతో తలపడింది. సెప్టెంబర్ 9న చెన్నైలోని CSK హై పర్ఫార్మెన్స్ సెంటర్‌లో జరిగిన ఫైనల్ మ్యాచ్ డ్రాగా ముగిసింది. అయితే, మొదటి ఇన్నింగ్స్‌లో లభించిన స్వల్ప ఆధిక్యం ఆధారంగా హైదరాబాద్ జట్టు విజేతగా నిలిచింది.దీంతో హైదరాబాద్ జట్టు వరుసగా రెండో ఏడాది బుచ్చిబాబు ట్రోఫీని గెలుచుకుంది.

మొదటి ఇన్నింగ్స్‌లో హైదరాబాద్ 376 పరుగులు చేయగా, TNCA ప్రెసిడెంట్స్ XI జట్టు 353 పరుగులు చేసింది, దీంతో హైదరాబాద్‌కు 23 పరుగుల స్వల్ప ఆధిక్యం లభించింది.

రెండో ఇన్నింగ్స్‌లో TNCA ప్రెసిడెంట్స్ XI బౌలర్లు రాణించినప్పటికీ, హైదరాబాద్ బ్యాటర్లు గట్టిగా నిలబడటంతో మ్యాచ్ డ్రాగా ముగిసింది.ఈ టోర్నమెంట్ గెలుపు హైదరాబాద్ క్రికెట్‌కు ఒక ముఖ్యమైన విజయం. ఈ గెలుపుతో రాబోయే దేశవాళీ సీజన్‌కు జట్టు మంచి ఊపుతో సిద్ధమవుతుంది.

హైదరాబాద్ కు ట్రోఫీతో పాటు రూ.3 లక్షల ప్రైజ్ మనీ, రన్నరప్‌ గా నిలిచిన తమిళనాడుకు రూ..2 లక్షల ప్రైజ్ మనీ లభించింది. ఈ టోర్నమెంట్ లో అత్యధికంగా 494 రన్స్ తో పాటు ఆరు వికెట్లు తీసిన హైదరాబాద్ ప్లేయర్ వరుణ్ గౌడ్ కు ప్లేయర్ ఆఫ్ ది టోర్నమెంట్ అవార్డు వచ్చింది.