Firing on Cow Protector: హైదరాబాద్‌: గోసంరక్షకుడిపై కాల్పులు.. డీజీపీ కార్యాలయం ముట్టడానికి భాజపా నేతల ఆందోళన!

Firing on Cow Protector: నగర శివారు పోచారం ఐటీ కారిడార్‌లో గోసంరక్షకుడు సోనూసింగ్‌పై జరిగిన కాల్పుల దాడి సంఘటనపై భాజపా (BJP) నేతలు తీవ్ర ఆందోళన వ్యక్తం చేశారు. ఈ ఘటనను ఖండించేందుకు లక్డీకాపూల్‌లోని డీజీపీ కార్యాలయం వద్దకు చేరుకుని, ముట్టడికి యత్నించారు. అయితే, పోలీసులు వారిని అడ్డుకుని అరెస్ట్‌ చేశారు. భాజపా రాష్ట్ర అధ్యక్షుడు రామచందర్‌రావు సహా పలువురు ప్రముఖ నేతలు ఈ ఆందోళనలో పాల్గొన్నారు. ఈ ప్రదర్శనతో లక్డీకాపూల్, అసెంబ్లీ ప్రాంతాల్లో ట్రాఫిక్‌ జామ్‌ సృష్టించబడింది. పోలీసులు వాహనాల రాకపోకలను క్రమబద్ధీకరించి, పరిస్థితిని నియంత్రించారు.