Deputy CM Pawan Kalyan: పిఠాపురం ఉపాధ్యాయులకు కానుకలు పంపిన డిప్యూటీ సీఎం పవన్ కల్యాణ్

Deputy CM Pawan Kalyan: ఆంధ్రప్రదేశ్ ఉప ముఖ్యమంత్రి పవన్ కల్యాణ్ (Pawan Kalyan) ప్రాతినిధ్యం వహిస్తున్న పిఠాపురం నియోజకవర్గంలో ఉపాధ్యాయ దినోత్సవం ఒక రోజు ముందుగానే ప్రారంభమైంది. ఈ నియోజకవర్గంలోని ప్రభుత్వ మరియు ప్రైవేటు పాఠశాలల్లో పనిచేస్తున్న ఉపాధ్యాయులకు, జూనియర్ కళాశాలల్లో ఉన్న అధ్యాపకులలో 2,000 మందికి పవన్ కల్యాణ్ కానుకలు అందజేశారు. మహిళా ఉపాధ్యాయులకు చీరలు, పురుషులకు ప్యాంటు-షర్ట్‌లు అందించారు. ఈ కానుకలను ప్రత్యేక బృందం పిఠాపురం, కొత్తపల్లి, గొల్లప్రోలు మండలాల్లోని విద్యాశాఖ కార్యాలయాల్లో ఉదయం నుండే పంపిణీ చేసింది. డిప్యూటీ సీఎం ఈ విధంగా కానుకలు అందించడంపై ఉపాధ్యాయులు, అధ్యాపకులు సంతోషం వ్యక్తం చేస్తున్నారు.