Mega Investment Drive for Andhra Pradesh: ఏపీకి పెట్టుబడుల మహాసమరం.. 2026 సంవత్సరానికి శుభారంభం: సీఎం చంద్రబాబు
2026 సంవత్సరానికి శుభారంభం: సీఎం చంద్రబాబు
Mega Investment Drive for Andhra Pradesh: ఆంధ్రప్రదేశ్లో పెట్టుబడుల జోరు కొత్త ఏడాదికి బలమైన ప్రారంభమిచ్చిందని ముఖ్యమంత్రి నారా చంద్రబాబు నాయుడు అన్నారు. 'స్పీడ్ ఆఫ్ డూయింగ్ బిజినెస్' కార్యక్రమాల ఫలితాలు స్పష్టంగా కనిపిస్తున్నాయని ఆయన పేర్కొన్నారు. ముందుచూపుతో అమలు చేస్తున్న విధాన సంస్కరణల వల్ల పెట్టుబడిదారుల్లో విశ్వాసం బాగా పెరిగిందని తెలిపారు.
దేశీయ పెట్టుబడుల్లో ఆంధ్రప్రదేశ్ మొదటి స్థానంలో నిలవడం ప్రజలకు గొప్ప శుభవార్త అని సీఎం అభివర్ణించారు. ఇది ప్రభుత్వం తీసుకొచ్చిన సంస్కరణల ప్రతిఫలమని వివరించారు. స్పీడ్ ఆఫ్ డూయింగ్ బిజినెస్ చొరవల ద్వారా పెట్టుబడిదారులకు త్వరిత సేవలు అందిస్తున్నామని ఆయన చెప్పారు.
ప్రోత్సాహకాల పంపిణీలో పారదర్శకతను నిర్ధారించేందుకు ఎస్క్రో ఆధారిత వ్యవస్థను అమల్లోకి తెచ్చామని సీఎం వెల్లడించారు. రంగాలవారీగా స్పష్టమైన విధానాలను రూపొందించి అమలు చేస్తున్నట్లు తెలిపారు. ఆంధ్రప్రదేశ్ను పెట్టుబడుల కేంద్రంగా ఎంచుకున్న ఇన్వెస్టర్లకు కృతజ్ఞతలు తెలిపిన ఆయన.. ప్రభుత్వ విజన్పై నమ్మకం పెట్టినందుకు ధన్యవాదాలు తెలిపారు.
ప్రభుత్వ బృందం చేసిన కృషిని ప్రశంసించిన చంద్రబాబు.. ఈ విజయం ముగింపు కాదు, భవిష్యత్ అభివృద్ధికి బలమైన పునాది అని అన్నారు. పెట్టుబడులు, భాగస్వామ్యాలు, స్థిరమైన వృద్ధి కోసం ప్రభుత్వం మరింత శ్రద్ధ పెడుతుందని హామీ ఇచ్చారు.
