Nara Bhuvaneshwari: నిమ్మకూరులో అభివృద్ధి పనులకు శంకుస్థాపన చేసిన నారా భువనేశ్వరి

Nara Bhuvaneshwari: ఆంధ్రప్రదేశ్ ముఖ్యమంత్రి నారా చంద్రబాబు నాయుడు సతీమణి, ఎన్టీఆర్ మెమోరియల్ ట్రస్ట్ మేనేజింగ్ ట్రస్టీ నారా భువనేశ్వరి... మహానటుడు, మాజీ ముఖ్యమంత్రి నందమూరి తారక రామారావు (ఎన్టీఆర్) స్వగ్రామమైన కృష్ణా జిల్లా పామర్రు మండలం నిమ్మకూరులో పలు అభివృద్ధి కార్యక్రమాలకు శంకుస్థాపన చేశారు.

ఈ సందర్భంగా ఆమె గురుకుల పాఠశాలలో విద్యార్థులు సిద్ధం చేసిన పవర్‌పాయింట్ ప్రజెంటేషన్‌ను వీక్షించారు. అనంతరం పూర్వ విద్యార్థుల సహకారంతో నిర్మించిన రూ.3.50 కోట్ల విలువైన హాస్టల్ భవనాన్ని ప్రారంభించారు. విద్యార్థులతో మాట్లాడుతూ తన చిన్ననాటి జ్ఞాపకాలను గుర్తు చేసుకున్నారు. నాయకత్వ లక్షణాలను పెంపొందించుకోవాలని, వ్యక్తిగత అభివృద్ధికి కృషి చేయాలని విద్యార్థులను ప్రోత్సహించారు.

నిమ్మకూరు గ్రామంతో నారా కుటుంబానికి గాఢమైన అనుబంధం ఉంది. ఈ పర్యటనతో గ్రామస్థులు ఆనందం వ్యక్తం చేశారు. గ్రామంలో సందడి నెలకొంది. ఎన్టీఆర్ ట్రస్ట్ ఆధ్వర్యంలో ఇక్కడ పలు సేవా కార్యక్రమాలు కొనసాగుతున్న నేపథ్యంలో ఈ అభివృద్ధి పనులు మరింత ప్రాధాన్యత సంతరించాయి.

ఈ కార్యక్రమంలో స్థానిక నాయకులు, గ్రామస్థులు పాల్గొన్నారు. నారా భువనేశ్వరి రాకతో నిమ్మకూరు గ్రామం ఉత్సాహంలో మునిగిపోయింది.