Nirmala Sitharaman: అమరావతి నిర్మాణంలో రైతుల త్యాగం అపారమైందని నిర్మలా సీతారామన్ వ్యాఖ్య

Nirmala Sitharaman: రాజధాని నిర్మాణ పనులు మళ్లీ ప్రారంభించడం ఒక యజ్ఞం లాంటిదని కేంద్ర ఆర్థిక మంత్రి నిర్మలా సీతారామన్‌ అన్నారు. ఒక ప్రణాళిక ప్రకారం నూతన రాజధాని నిర్మాణం అంటే సామాన్యం కాదని తెలిపారు. అమరావతిలో 15 బ్యాంకులు, బీమా సంస్థల ప్రధాన కార్యాలయాల నిర్మాణాలకు మంత్రి శంకుస్థాపనలు చేశారు. అనంతరం ఏర్పాటు చేసిన సమావేశంలో మాట్లాడుతూ.. ఒకే చోట ప్రభుత్వరంగ బ్యాంకులు, బీమా కంపెనీలు ఉండటం చాలా అరుదు అని చెప్పారు. భవిష్యత్‌లో రాజధాని నిర్మాణమంటే అమరావతిని స్ఫూర్తిగా తీసుకుంటారని అన్నారు.

అమరావతి రాజధాని నిర్మాణ పనులు వేగం అందుకున్నాయని, ఈ ప్రక్రియలో రైతులు పెద్ద త్యాగం చేశారని కేంద్ర ఆర్థిక మంత్రి నిర్మలా సీతారామన్‌ ప్రశంసించారు. గురువారం అమరావతిలో జరిగిన కార్యక్రమంలో మాట్లాడుతూ, “రాజధాని నిర్మాణానికి భూములు ఇచ్చి రైతులు చేసిన త్యాగానికి ప్రతి ఒక్కరూ గర్వపడాలి. అలాంటి వారికి సమస్యలు రాకుండా సేవలు అందించడం బ్యాంకుల ప్రథమ బాధ్యత” అని పేర్కొన్నారు.

అమరావతిలో 15 బ్యాంకులు, బీమా సంస్థల ప్రధాన కార్యాలయాల నిర్మాణాలకు శంకుస్థాపన చేసిన మంత్రి, ఈ ఏర్పాటు అరుదని చెప్పారు. “ఒకే చోట ప్రభుత్వరంగ బ్యాంకులు, బీమా కంపెనీలు ఉండటం చాలా అరుదైన అవకాశం. భవిష్యత్‌లో రాజధాని నిర్మాణాలకు అమరావతి స్ఫూర్తిగా మారుతుంది” అని అన్నారు.

రైతుల పంట రవాణాకు ప్రత్యేక రైళ్లు నడుపుతున్నామని, మహారాష్ట్ర నుంచి అరటికాయలు, తమిళనాడు నుంచి కొబ్బరి రవాణా అవుతున్నాయని తెలిపారు. “కూరగాయలు, పండ్లకు ఏపీని హబ్‌గా మలిచి, ఉత్పత్తుల రవాణాను మెరుగుపరచడానికి సీఎం చంద్రబాబు ఆలోచిస్తున్నారు. ఫుడ్ ప్రాసెసింగ్ యూనిట్ల ఏర్పాటుకు బ్యాంకులు సహకరించాలి” అని బ్యాంకర్లకు సూచించారు.

“అమరావతి నిర్మాణాన్ని భుజాలపై మోస్తున్న ముఖ్యమంత్రి చంద్రబాబు నాయుడును చూసి అంతా గర్వపడాలి. అనుకున్నట్లే అమరావతి అభివృద్ధి చెందాలని ఆకాంక్షిస్తున్నాను” అని నిర్మలా సీతారామన్ ముగించారు.