Bikes Under 2 Lakhs: రూ.2 లక్షల బడ్జెట్‌లో టాప్-5 బైక్‌లు.. స్టైల్, పవర్, మైలేజ్ కలయిక ఇవే

Bikes Under 2 Lakhs:భారతదేశంలో బైక్ కొనడం అంటే అది కేవలం ప్రయాణం కోసం మాత్రమే కాదు, అదొక ఎమోషన్. ప్రస్తుతం మార్కెట్‌లో రూ.2 లక్షల లోపు బడ్జెట్‌లో అద్భుతమైన ఫీచర్లు, పవర్‌ఫుల్ ఇంజన్లతో కూడిన బైక్‌లు అందుబాటులో ఉన్నాయి. మీరు ఆఫీస్ ప్రయాణాల కోసం లేదా లాంగ్ రైడ్స్ కోసం బైక్ వెతుకుతున్నట్లయితే, ఈ 5 బైక్‌లు ప్రస్తుతం టాప్ లిస్టులో ఉన్నాయి. వీటిలో స్టైల్, టెక్నాలజీ, పర్ఫార్మెన్స్ అన్నీ కలగలిసి ఉన్నాయి.

రాయల్ ఎన్‌ఫీల్డ్ హంటర్ 350

రాయల్ ఎన్‌ఫీల్డ్ నుంచి అత్యంత తేలికైన, బడ్జెట్ ధరలో లభించే బైక్ ఇది. దీని రెట్రో లుక్ యువతను విపరీతంగా ఆకట్టుకుంటోంది. ఇందులో 350cc J-సిరీస్ ఇంజన్ ఉంది, ఇది సిటీ ట్రాఫిక్‌లో కూడా చాలా స్మూత్ గా ప్రయాణించడానికి సహకరిస్తుంది. దీని ఎక్స్-షోరూమ్ ధర రూ.1.38 లక్షల నుంచి రూ.1.67 లక్షల మధ్య ఉంది.

టీవీఎస్ రోనిన్

మీరు ఒకే బైక్‌లో స్క్రాంబ్లర్, రోడ్‌స్టర్, క్రూయిజర్ లుక్స్ కావాలనుకుంటే టీవీఎస్ రోనిన్ సరైన ఎంపిక. ఇందులో వాయిస్ అసిస్ట్, నావిగేషన్, విభిన్న ఏబీఎస్ (ABS) మోడ్స్ వంటి స్మార్ట్ ఫీచర్లు ఉన్నాయి. దీని ధర రూ. 1.26 లక్షల నుంచి రూ. 1.60 లక్షల వరకు ఉంది. ఇది హైవే రైడ్లకు కూడా చాలా సౌకర్యవంతంగా ఉంటుంది.

బజాజ్ పల్సర్ NS400Z

పల్సర్ సిరీస్‌లోనే అత్యంత పవర్‌ఫుల్ బైక్ ఇది. ఇందులో 373cc ఇంజన్ ఉంది. ట్రాక్షన్ కంట్రోల్, రైడ్ మోడ్స్, క్విక్‌షిఫ్టర్ వంటి అడ్వాన్స్‌డ్ ఫీచర్లు ఈ బడ్జెట్‌లో లభించడం విశేషం. దీని ఎక్స్-షోరూమ్ ధర రూ. 1.85 లక్షలుగా ఉంది. వేగాన్ని, పవర్‌ను ఇష్టపడే వారికి ఇది ఒక వరమని చెప్పవచ్చు.

యమహా MT-15 V2, R15 V4:

యమహా నుంచి వస్తున్న ఈ రెండు బైక్‌లు యూత్ ఐకాన్స్. MT-15 ఒక అగ్రెసివ్ స్ట్రీట్ ఫైటర్ బైక్ అయితే, R15 V4 ఒక ప్యూర్ స్పోర్ట్స్ బైక్. R15 లో టీఎఫ్‌టీ డిస్‌ప్లే, క్విక్‌షిఫ్టర్ వంటి ప్రీమియం ఫీచర్లు ఉన్నాయి. ఈ రెండింటి ధరలు రూ. 1.55 లక్షల నుంచి రూ. 1.74 లక్షల మధ్య ఉన్నాయి. వీటి హ్యాండ్లింగ్, మైలేజీ భారతీయ రోడ్లపై అద్భుతంగా ఉంటుంది.