Budget Bikes : బడ్జెట్ బైకుల జాతర జీఎస్టీ దెబ్బకు తగ్గిన ధరలు..రూ.60 వేల లోపే అదిరిపోయే బైకులు
రూ.60 వేల లోపే అదిరిపోయే బైకులు
Budget Bikes : భారతీయ టూ వీలర్ మార్కెట్ అంటేనే మైలేజీకి పెట్టింది పేరు. ఇక్కడ బండి ఎంత స్టైలిష్గా ఉందన్న దానికంటే, లీటర్ పెట్రోల్కు ఎన్ని కిలోమీటర్లు ఇస్తుంది, మెయింటెనెన్స్ ఎంత తక్కువ అనే దానికే జనం ప్రాధాన్యత ఇస్తారు. తాజాగా జీఎస్టీ 2.0 అమలులోకి రావడంతో ఎంట్రీ లెవల్ బైకుల ధరలు కాస్త తగ్గి సామాన్యులకు ఊరటనిచ్చాయి.
1. టీవీఎస్ స్పోర్ట్ ఈఎస్
ప్రస్తుతం భారత మార్కెట్లో అత్యంత తక్కువ ధరకే లభిస్తున్న బైక్ ఏదంటే అది టీవీఎస్ స్పోర్ట్ అని చెప్పవచ్చు. దీనిలో 109.7cc ఇంజిన్ ఉంటుంది. ఇది 8.3hp పవర్, 8.7Nm టార్క్ను ఉత్పత్తి చేస్తుంది. ఫ్యూయల్ ఇంజెక్షన్ టెక్నాలజీ వల్ల ఈ బైక్ అద్భుతమైన మైలేజీని ఇస్తుంది. ఎలక్ట్రిక్ స్టార్ట్ ఫీచర్తో వస్తున్న ఈ బైక్ ధర కేవలం రూ.55,500(ఎక్స్-షోరూమ్) మాత్రమే. తక్కువ బడ్జెట్లో ఆఫీసు పనులకు, డెలివరీ పనులకు ఇది పర్ఫెక్ట్ ఛాయిస్.
2. హీరో హెచ్ఎఫ్ డీలక్స్
హీరో మోటోకార్ప్ నుంచి వస్తున్న హెచ్ఎఫ్ డీలక్స్ అంటే భారతీయులకు ఒక ప్రత్యేకమైన సెంటిమెంట్. ముఖ్యంగా దీనిలోని ఆల్-బ్లాక్ మోడల్ యువతను కూడా ఆకట్టుకుంటోంది. దీనిలో 97.2cc ఇంజిన్ ఉంది. కేవలం రూ.56,657 ప్రారంభ ధరకే లభిస్తున్న ఈ బైక్, మెయింటెనెన్స్ విషయంలో చాలా నమ్మకమైనది. పల్లెటూరి రోడ్ల మీద కూడా ఇది ఎంతో సులభంగా దూసుకుపోతుంది. తక్కువ ధరలో ఎక్కువ వేరియంట్లు కావాలనుకునే వారికి ఇది మంచి ఆప్షన్.
3. హీరో హెచ్ఎఫ్ 100
హీరో హెచ్ఎఫ్ 100 అనేది హెచ్ఎఫ్ డీలక్స్కు కొంచెం తక్కువ ఫీచర్లు ఉన్న వెర్షన్. ఇది కేవలం పనితనం మీద ఆధారపడి తయారైన బైక్. దీనిలో కూడా 97.2cc ఇంజిన్ ఉంటుంది. దీని ధర రూ.59,839 గా ఉంది. పట్టణాల్లో చిన్న చిన్న అవసరాలకు, పాలు లేదా పేపర్ డెలివరీ చేసే వారికి ఈ బైక్ ఒక అద్భుతమైన నేస్తం. దీని బిల్డ్ క్వాలిటీ చాలా గట్టిగా ఉంటుంది, అందుకే ఇది రఫ్ అండ్ టఫ్ వాడకానికి పెట్టింది పేరు.
4. హోండా షైన్ 100
హోండా కంపెనీ నుంచి వస్తున్న అత్యంత చౌకైన బైక్ షైన్ 100. దీనిలో 98.98cc ఇంజిన్ ఉంటుంది. హోండా ఇంజిన్లు అంటేనే స్మూత్నెస్కి పేరుగాంచినవి. తాజాగా దీనిలో డిఎక్స్ (DX) వేరియంట్ను కూడా లాంచ్ చేశారు, ఇది మరింత స్టైలిష్గా కనిపిస్తుంది. యువతను దృష్టిలో పెట్టుకుని హోండా ఈ బైక్ను డిజైన్ చేసింది. దీని ఎక్స్-షోరూమ్ ధర రూ.65,393 గా ఉంది. హోండా బ్రాండ్ వాల్యూ కోరుకునే వారికి ఇది బెస్ట్ బడ్జెట్ బైక్.
5. బజాజ్ ప్లాటినా 100
మైలేజీ గురించి మాట్లాడితే ప్లాటినా పేరు రాకుండా ఉండదు. ఎంతో కాలంగా మైలేజీ కింగ్గా వెలుగొందుతున్న ప్లాటినా 100, ఇప్పుడు మరింత తక్కువ ధరకు అందుబాటులోకి వచ్చింది. కొత్త టాక్స్ రేట్ల తర్వాత దీని ధర రూ.66,015(ఎక్స్-షోరూమ్) కు తగ్గింది. దీనిలోని కంఫర్టెక్ టెక్నాలజీ వల్ల కుదుపులు తక్కువగా ఉంటాయి. వెన్నునొప్పి రాకుండా లాంగ్ రైడ్స్ చేయాలనుకునే వారికి ప్లాటినా ఒక వరప్రసాదం.
