BYD : ఇయర్-ఎండ్ బంపర్ ఆఫర్..ఈ కారుపై రూ.2.60 లక్షల తగ్గింపు..ఏడేళ్ల ఫ్రీ మెయింటెనెన్స్ ప్యాకేజ్ కూడా

BYD : ప్రముఖ చైనా ఆటో మొబైల్ కంపెనీకి చెందిన BYD eMAX 7 ఎలక్ట్రిక్ MPVని కొనుగోలు చేయాలని అనుకుంటే ప్రస్తుత ఇయర్-ఎండ్ ఆఫర్‌లు మీకు సరైన అవకాశం ఇవ్వవచ్చు. ఈ ప్రీమియం ఎలక్ట్రిక్ ఎంపీవీ పై కంపెనీ రూ.2.60 లక్షల వరకు భారీ రాయితీలను,ప్రయోజనాలను అందిస్తోంది. ఈ ఆఫర్‌లలో భాగంగా, కొనుగోలుదారులు రూ.లక్ష వరకు ఎక్స్ఛేంజ్ లేదా లాయల్టీ బోనస్, రూ.లక్ష కార్పొరేట్ బెనిఫిట్, కొత్త కస్టమర్‌ల కోసం రూ.లక్ష వెల్‌కమ్ బోనస్‌ వంటి వాటిలో ఏదైనా ఒక రూ.లక్ష ప్రయోజనాన్ని ఎంచుకోవచ్చు. BYD eMAX 7 ఎక్స్-షోరూమ్ ధర రూ.26.90 లక్షల నుంచి ప్రారంభమవుతుంది.

BYD eMAX 7 పై ఆర్థిక రాయితీలతో పాటు, కంపెనీ మరిన్ని ఆకర్షణీయమైన దీర్ఘకాలిక ప్రయోజనాలను కూడా అందిస్తోంది. ఈ ఆఫర్ ప్యాకేజీలో ముఖ్యంగా 3 లక్షల కిలోమీటర్ల వరకు ఎక్స్‌టెండెడ్ వారంటీ, 7 సంవత్సరాల వరకు ఉచిత మెయింటెనెన్స్ ప్యాకేజ్ ఉన్నాయి. ఈ ఫ్రీ మెయింటెనెన్స్, ఎక్స్‌టెండెడ్ వారంటీ ప్యాకేజీలు ఎలక్ట్రిక్ వాహనం మెయింటెనెన్స్ ఖర్చులను గణనీయంగా తగ్గిస్తాయి. ఇది కారు కొనుగోలుదారులకు పెద్ద ఊరట. BYD eMAX 7 అనేది భారతదేశంలో BYD మొదటి కారు అయిన e6 MPV కి అప్‌డేట్ చేసిన మోడల్.

BYD eMAX 7 అనేది కంప్లీట్ ఎలక్ట్రిక్ మల్టీ-పర్పస్ వెహికల్ (MPV), ఇది కుటుంబాల కోసం ప్రత్యేకంగా రూపొందించబడింది. ఇది ఒకే ఛార్జింగ్‌తో 530 కిలోమీటర్ల వరకు రేంజ్‌ను అందిస్తుంది. ఈ కారు దాని ఫీచర్లతో నిండిన ప్రీమియం క్యాబిన్‌కు ప్రసిద్ధి చెందింది. ఇది BYD ప్రత్యేకమైన డిజైన్, వాన్-లాంటి రూపాన్ని కలిగి ఉంది. BYD eMAX 7 ను 6-సీటర్, 7-సీటర్ ఆప్షన్లలో కొనుగోలు చేయవచ్చు. ఢిల్లీలో ఈ కారు ఆన్-రోడ్ ధర బేస్ మోడల్‌కు రూ.28.45 లక్షల నుండి ప్రారంభమై, టాప్ మోడల్‌కు రూ.31.79 లక్షల వరకు ఉంటుంది.