Electric Scooters : హీరో స్ప్లెండర్ కన్నా ఈ ఎలక్ట్రిక్ స్కూటర్లు చాలా చీప్.. ధర తక్కువ, రేంజ్ ఎక్కువ!
ధర తక్కువ, రేంజ్ ఎక్కువ!
Electric Scooters : పెట్రోల్ ధరలు పెరగడంతో చాలా మంది వినియోగదారులు ఇప్పుడు నెమ్మదిగా ఎలక్ట్రిక్ వాహనాలు కొనడానికి ఆసక్తి చూపిస్తున్నారు. మార్కెట్లో అత్యంత ప్రజాదరణ పొందిన బైక్ హీరో స్ప్లెండర్ కంటే కూడా తక్కువ ధరలో దొరికే కొన్ని అద్భుతమైన ఎలక్ట్రిక్ స్కూటర్ల వివరాలు ఇప్పుడు చూద్దాం. ఈ బడ్జెట్-ఫ్రెండ్లీ స్కూటర్లు మంచి రేంజ్, అడ్వాన్సుడ్ ఫీచర్లతో వస్తున్నాయి.
హీరో స్ప్లెండర్ ధరతో పోలిక
ప్రస్తుతం హీరో మోటోకార్ప్ నుంచి వచ్చిన హీరో స్ప్లెండర్ బైక్ ధరలు సుమారు రూ.73,902 (ఎక్స్-షోరూమ్) నుంచి మొదలవుతాయి. దీని టాప్ వేరియంట్ ధర రూ.76,437 వరకు ఉంటుంది. ఈ ధరలతో పోలిస్తే కింద తెలిపిన ఎలక్ట్రిక్ స్కూటర్లు ఇంకా తక్కువ ధరకే అందుబాటులో ఉండటం విశేషం.
1. ఓలా ఎస్1 జెడ్
తక్కువ ధరలో ఎక్కువ రేంజ్ కావాలనుకునే వారికి ఓలా ఎస్1 జెడ్ ఒక అద్భుతమైన ఆప్షన్. ఈ స్కూటర్ ధర కేవలం రూ.59,999 (ఎక్స్-షోరూమ్). ఇది ఒక్కసారి ఛార్జ్ చేస్తే ఏకంగా 146 కిలోమీటర్ల వరకు రేంజ్ ఇస్తుంది. దీని టాప్ స్పీడ్ గంటకు 70 కిలోమీటర్లు. ఇది 12 అంగుళాల టైర్ సైజ్‌తో వస్తుంది. ఇదే సిరీస్‌లో ఓలా ఎస్1 జెడ్ ప్లస్ వేరియంట్ కూడా ఉంది. దీని రేంజ్, టాప్ స్పీడ్ కూడా దాదాపు అంతే ఉన్నా, ఇది 14 అంగుళాల టైర్ సైజ్‌తో లభిస్తుంది.
2. ఒకినావా ఆర్30
బడ్జెట్ ధరలో దొరికే మరో నమ్మదగిన స్కూటర్ ఒకినావా ఆర్30. ఈ ఎలక్ట్రిక్ స్కూటర్ ధర రూ.61,998 (ఎక్స్-షోరూమ్). ఇది ఫుల్ ఛార్జ్‌పై 60 కిలోమీటర్ల వరకు ప్రయాణించగలదు. దీనిని ఛార్జ్ చేయడానికి 4 నుంచి 5 గంటల సమయం పడుతుంది. ఇందులో 1.25 kWh లిథియం అయాన్ బ్యాటరీ ఉంటుంది. ఈ బ్యాటరీపై కంపెనీ మూడు సంవత్సరాలు లేదా 30,000 కిలోమీటర్ల వారంటీ ఇస్తుంది. ఈ స్కూటర్‌లో స్టైలిష్ అల్లాయ్ వీల్స్, టెలిస్కోపిక్ సస్పెన్షన్, యాంటీ థెఫ్ట్ అలారంతో కూడిన సెంట్రల్ లాకింగ్ వంటి మంచి ఫీచర్లు ఉన్నాయి.
ఈ ఎలక్ట్రిక్ స్కూటర్లు హీరో స్ప్లెండర్ కంటే తక్కువ ధరకే లభిస్తున్నాయి కాబట్టి, పెట్రోల్ ఖర్చుల నుంచి ఉపశమనం పొందాలని కోరుకునే వారికి ఇవి మంచి ప్రత్యామ్నాయాలుగా నిలుస్తాయి.
