Honda : హోండా హిస్టరీలోనే బిగ్గెస్ట్ డిస్కౌంట్.. కారు రేట్లు నేలకి దిగివచ్చాయి బాబోయ్

Honda : కొత్త కారు కొనాలని ప్లాన్ చేస్తున్నారా? అయితే ఇది అదిరిపోయే ఛాన్స్. ఫిబ్రవరి 2026 నెలలో హోండా కార్స్ ఇండియా తన పాపులర్ మోడళ్లపై కనీవినీ ఎరుగని రీతిలో రూ.1.97 లక్షల వరకు బంపర్ డిస్కౌంట్లను ప్రకటించింది. పోటీ పెరుగుతున్న నేపథ్యంలో కస్టమర్లను ఆకర్షించడానికి హోండా అమేజ్, సిటీ, ఎలివేట్ కార్లపై భారీ ఆఫర్లను అందిస్తోంది.

హోండా అమేజ్

హోండా నుంచి వచ్చిన సరికొత్త 3వ జనరేషన్ అమేజ్‌పై ఈ నెలలో రూ.57,000 వరకు ప్రయోజనాలు లభిస్తున్నాయి. ఈ కారు ధరలు రూ.7.47 లక్షల (ఎక్స్-షోరూమ్) నుంచి ప్రారంభమవుతాయి. ఈ కారులో లెవల్-2 ADAS, 6 ఎయిర్‌బ్యాగ్‌ల వంటి అత్యాధునిక సేఫ్టీ ఫీచర్లు ఉన్నాయి. ఒకవేళ మీరు ఇంకా మార్కెట్లో ఉన్న 2వ జనరేషన్ అమేజ్‌ను ఎంచుకుంటే, ఏకంగా రూ.68,000 వరకు లాభం పొందవచ్చు.

హోండా సిటీ

సెడాన్ ప్రియుల ఫేవరెట్ హోండా సిటీపై కూడా భారీ ఆఫర్లు ఉన్నాయి.

సిటీ పెట్రోల్ (5th Gen): దీనిపై రూ. 1.27 లక్షల వరకు బెనిఫిట్స్ ఉన్నాయి. ఇది SV, V, VX, ZX వేరియంట్లలో లభిస్తుంది.

సిటీ హైబ్రిడ్ (e:HEV): ఈ ఫిబ్రవరిలో అత్యధిక డిస్కౌంట్ ఈ కారుపైనే ఉంది. ఏకంగా రూ.1.97 లక్షల వరకు ఆదా చేసుకునే అవకాశం ఉంది. హైబ్రిడ్ టెక్నాలజీ కావాలనుకునే వారికి ఇది ఒక గొప్ప అవకాశం.

హోండా ఎలివేట్

హోండా నుంచి వచ్చిన మోస్ట్ సక్సెస్‌ఫుల్ ఎస్‌యూవీ ఎలివేట్ పై ఈ నెలలో గరిష్టంగా రూ.1.48 లక్షల వరకు డిస్కౌంట్ ఇస్తున్నారు. ఈ ఎస్‌యూవీ 220 ఎంఎం గ్రౌండ్ క్లియరెన్స్‌తో రోడ్లపై తిరుగులేని పట్టును కలిగి ఉంటుంది. కార్పొరేట్ ఆఫర్ల కంటే అదనంగా ఈ బెనిఫిట్స్ లభించడం విశేషం.

ఈ ఆఫర్లు అన్నీ క్యాష్ డిస్కౌంట్లు, ఎక్స్ఛేంజ్ బోనస్‌లు, లాయల్టీ బోనస్‌లు,స్క్రాపేజ్ బెనిఫిట్స్ రూపంలో ఉంటాయి. ఇవి మీరు ఉండే నగరం, డీలర్, అందుబాటులో ఉన్న స్టాక్ ఆధారంగా మారవచ్చు. ఖచ్చితమైన వివరాల కోసం మీ దగ్గరలోని హోండా షోరూమ్‌ను సంప్రదించండి. ఈ ఆఫర్లు ఫిబ్రవరి 28, 2026 వరకు మాత్రమే అందుబాటులో ఉంటాయి.