Force Gurkha EMI : థార్ రాక్స్ ప్రత్యర్థి ఫోర్స్ గుర్ఖా కొనాలంటే EMI ఎంత కట్టాలి? లోన్ వివరాలు ఇవే

Force Gurkha EMI : ఆఫ్-రోడ్ ఎస్‌యూవీ సెగ్మెంట్‌లో మహీంద్రా థార్ రాక్స్‎కు గట్టి పోటీనిచ్చే వాహనంగా ఫోర్స్ గుర్ఖాను పరిగణిస్తారు. అయితే ఈ రెండు కార్ల కొనుగోలుదారులు వేర్వేరు. థార్ రాక్స్ రోజూవారీ అవసరాలకు ఉపయోగపడే ఫీచర్లతో వస్తే, ఫోర్స్ గుర్ఖా మాత్రం కంప్లీట్ ఆఫ్-రోడ్ ఎస్‌యూవీ. ఇది నీరు ఎక్కువగా నిండిన ప్రాంతాల్లో కూడా సులభంగా ప్రయాణించగలదు. 2.6-లీటర్ డీజిల్ వేరియంట్‌లో మాత్రమే లభించే ఫోర్స్ గుర్ఖా ధర రూ.15.95 లక్షలు(ఎక్స్-షోరూమ్). ఈ పవర్ఫుల్ ఎస్‌యూవీని లోన్ తీసుకుని కొనుగోలు చేయాలనుకునే వారి కోసం, నెలవారీ ఈఎమ్‌ఐ వివరాలు ఇక్కడ ఉన్నాయి.

ఆఫ్-రోడింగ్ సామర్థ్యాలతో పేరుగాంచిన ఫోర్స్ గుర్ఖా ఎస్‌యూవీ 2.6-లీటర్ డీజిల్ వేరియంట్ ఎక్స్-షోరూమ్ ధర రూ.15.95 లక్షలుగా ఉంది. ఈ కారును లోన్ ద్వారా కొనుగోలు చేయాలనుకునే వారికి కనీస డౌన్ పేమెంట్, లోన్ మొత్తం వివరాలు ఇలా ఉన్నాయి. కొనుగోలుదారుడు చెల్లించాల్సిన కనీస డౌన్ పేమెంట్ రూ.1.60 లక్షలుగా అంచనా. దీంతో, మీరు బ్యాంక్ లేదా ఆర్థిక సంస్థ నుంచి సుమారు రూ.14.35 లక్షలు లోన్ పొందవలసి ఉంటుంది. మీరు రూ.1.60 లక్షల కంటే ఎక్కువ డౌన్ పేమెంట్ చెల్లించగలిగితే లోన్ మొత్తం తగ్గుతుంది. మీ నెలవారీ ఈఎంఐ భారం కూడా తగ్గుతుంది.

మీరు తీసుకునే లోన్ టెన్యూర్, బ్యాంక్ విధించే వడ్డీ రేటు ఆధారంగా నెలవారీ ఈఎంఐ మారుతుంది. ఇక్కడ లోన్ మొత్తంగా రూ. 14.35 లక్షలు, 9% వడ్డీ రేటును స్టాండర్డ్ గా తీసుకుని ఈఎంఐలను అంచనా వేశారు. ఉదాహరణకు, మీరు 4 సంవత్సరాల టెన్యూర్ ఎంచుకుంటే, సుమారు రూ.35,700 EMI చెల్లించాల్సి ఉంటుంది. అదే లోన్ కాలాన్ని 5 సంవత్సరాలకు పెంచితే, EMI సుమారు రూ.29,800కి తగ్గుతుంది. ఇంకా, 6 సంవత్సరాలకు EMI రూ.25,900గా ఉంటుంది. ఇక, లోన్ భారం తగ్గించుకోవడానికి 7 సంవత్సరాలకు ఎంచుకుంటే, నెలవారీ చెల్లింపు కేవలం సుమారు రూ.23,100 వరకు తగ్గుతుంది. EMI భారం తగ్గాలంటే, మీరు లోన్ కాలపరిమితిని పెంచుకోవడం ఒక మంచి ఉపాయం.

మీకు నెలవారీ ఈఎంఐ భారం తగ్గాలంటే మీరు 7 సంవత్సరాల వరకు లోన్ టెన్యూర్ ఎంచుకోవచ్చు. దీని ద్వారా నెలవారీ చెల్లింపు సుమారు రూ.23,100 కు తగ్గుతుంది. అయితే, లోన్ కాలం పెరిగే కొద్దీ మీరు చెల్లించే మొత్తం వడ్డీ పెరుగుతుందని గుర్తుంచుకోవాలి. ఫోర్స్ గుర్ఖా అనేది 4-సీటర్ ఎస్‌యూవీ. పైన ఇచ్చిన ఈఎంఐ లెక్కలు కేవలం అంచనా మాత్రమే. వాస్తవ వడ్డీ రేట్లు, మీరు తీసుకునే ఖచ్చితమైన లోన్ మొత్తం, ఎంచుకునే కాలపరిమితి ఆధారంగా మీ నెలవారీ ఈఎంఐ మారవచ్చు. లోన్ తీసుకునే ముందు బ్యాంకులు లేదా ఆర్థిక సంస్థలతో సంప్రదించి, ఖచ్చితమైన వివరాలను తెలుసుకోవడం మంచిది.