Hyundai Exter Facelift : హ్యుందాయ్ ఎక్స్టర్ ఫేస్లిఫ్ట్ వచ్చేసింది.. కొత్త లుక్.. అదిరిపోయే ఫీచర్లు.. ధర కూడా తక్కువే
అదిరిపోయే ఫీచర్లు.. ధర కూడా తక్కువే
Hyundai Exter Facelift : తక్కువ బడ్జెట్లో ఎస్యూవీ కారు కొనాలనుకునే మధ్యతరగతి వారికి హ్యుందాయ్ అదిరిపోయే శుభవార్త చెప్పింది. తన పాపులర్ మైక్రో ఎస్యూవీ ఎక్స్టర్ను సరికొత్త హంగులతో 2026 ఫేస్లిఫ్ట్ రూపంలో మార్కెట్లోకి విడుదల చేసింది. కేవలం రూ.5.80 లక్షల ప్రారంభ ధరతో (ఎక్స్-షోరూమ్) వచ్చిన ఈ కారు, లుక్ పరంగానూ, ఫీచర్ల పరంగానూ టాటా పంచ్కు గట్టి పోటీనిస్తోంది. ఈ కొత్త ఎక్స్టర్ లో మార్పులు ఏంటి? అసలు ఇందులో ఉన్న స్పెషాలిటీ ఏంటో వివరంగా చూద్దాం.
కొత్తదనంతో కూడిన డిజైన్
2026 హ్యుందాయ్ ఎక్స్టర్ ఫేస్లిఫ్ట్లో డిజైన్ పరంగా చాలా ఆసక్తికరమైన మార్పులు చేశారు. ముందు భాగంలో గ్రిల్ డిజైన్ను మార్చడమే కాకుండా, పైన Exter అనే అక్షరాలను మెరిసే బ్లాక్ ప్యానెల్పై ఇచ్చారు. ఇది చూడటానికి చాలా ప్రీమియంగా కనిపిస్తుంది. అలాగే కొత్తగా వచ్చిన 15-అంగుళాల డ్యూయల్ టోన్ అలాయ్ వీల్స్ కారుకు స్పోర్టీ లుక్ ఇస్తున్నాయి. వెనుక వైపు బంపర్ డిజైన్ను కూడా మార్చి, సిల్వర్ యాక్సెంట్స్తో చాలా స్టైలిష్గా తీర్చిదిద్దారు.
ఫీచర్ల ఖజానా
మైక్రో ఎస్యూవీ అయినప్పటికీ, హ్యుందాయ్ ఫీచర్ల విషయంలో ఎక్కడా తగ్గలేదు. వైర్లెస్ ఆండ్రాయిడ్ ఆటో, ఆపిల్ కార్ప్లే (వైర్-టు-వైర్లెస్ అడాప్టర్ ద్వారా) సదుపాయం కల్పించారు. దీనితో పాటు సన్రూఫ్, ఆటోమేటిక్ క్లైమేట్ కంట్రోల్, క్రూయిజ్ కంట్రోల్, వైర్లెస్ ఛార్జర్ వంటి లగ్జరీ ఫీచర్లు ఇందులో ఉన్నాయి. వెనుక కూర్చునే ప్రయాణికుల కోసం టైప్-సి ఛార్జింగ్ పోర్ట్ను కూడా అదనంగా చేర్చారు. డ్రైవర్ సీటు హైట్ను కూడా అడ్జస్ట్ చేసుకునే సదుపాయం ఉండటం విశేషం.
సేఫ్టీ, కంఫర్ట్
సేఫ్టీ విషయంలో హ్యుందాయ్ ఎక్స్టర్ ఎప్పుడూ ముందే ఉంటుంది. ఆటో హెడ్లైట్లు, సెమీ-డిజిటల్ ఇన్స్ట్రుమెంట్ క్లస్టర్, ఆటో-డిమ్మింగ్ ఐఆర్విఎం వంటి ఫీచర్లు డ్రైవింగ్ను సులభతరం చేస్తాయి. లాంగ్ జర్నీలకు వెళ్లే వారికి ఈ కారులో బూట్ స్పేస్ (డిక్కీ) కూడా చాలా విశాలంగా ఉంది. బ్యాగులు పెట్టుకోవడానికి ఎక్కడా ఇబ్బంది కలగదు. 6 ఎయిర్బ్యాగులు స్టాండర్డ్ ఫీచర్గా ఉండటం వల్ల కుటుంబ భద్రతకు డోకా లేదు.
ధర, పోటీ
కొత్త హ్యుందాయ్ ఎక్స్టర్ ధర రూ.5.80 లక్షల నుంచి రూ.9.42 లక్షల (ఎక్స్-షోరూమ్) మధ్యలో ఉంటుంది. ఇది నేరుగా టాటా పంచ్, సిట్రోయెన్ సి3 వంటి కార్లకు గట్టి పోటీ ఇస్తోంది. ముఖ్యంగా తక్కువ బడ్జెట్లో సన్రూఫ్, అధునాతన టెక్నాలజీ కోరుకునే వారికి ఎక్స్టర్ ఫేస్లిఫ్ట్ ఒక గొప్ప వరం అని చెప్పవచ్చు. త్వరలో మరిన్ని కొత్త రంగుల్లో కూడా ఈ కారు షోరూమ్లలో దర్శనమివ్వబోతోంది.
