Maruti Brezza : మారుతి నుంచి పవర్ఫుల్ బ్రెజ్జా టర్బో ఎంట్రీ.. నెక్సా ఫీచర్లతో ఎరేనాలో రచ్చ
నెక్సా ఫీచర్లతో ఎరేనాలో రచ్చ
Maruti Brezza : భారతీయ ఆటోమొబైల్ మార్కెట్లో అత్యంత ప్రజాదరణ పొందిన కాంపాక్ట్ SUVలలో ఒకటైన మారుతి సుజుకి బ్రెజ్జా ఇప్పుడు సరికొత్త అవతారంలోకి వచ్చింది. కంపెనీ తన బ్రెజ్జా ఫేస్లిఫ్ట్ మోడల్ను అధునాతన డిజైన్, సరికొత్త టర్బో ఇంజిన్, భారీ ఫీచర్ల అప్డేట్లతో మార్కెట్లోకి ప్రవేశపెట్టింది. ఇప్పటికే మార్కెట్లో గట్టి పోటీ ఇస్తున్న టాటా నెక్సాన్, కియా సోనెట్ వంటి పాపులర్ కార్లకు ఈ కొత్త బ్రెజ్జా గట్టి సవాలు విసరనుంది. పాత 1.5-లీటర్ ఇంజిన్ ఆప్షన్తో పాటు, ఈసారి డ్రైవింగ్ అనుభవాన్ని నెక్స్ట్ లెవెల్కి తీసుకెళ్లే సంచలన మార్పులతో ఈ కారు రూపుదిద్దుకుంది.
1.0L బూస్టర్జెట్ టర్బో ఇంజిన్ మ్యాజిక్
ఈ కొత్త బ్రెజ్జాలో అత్యంత ప్రధానమైన మార్పు దాని ఇంజిన్ అని చెప్పవచ్చు. మారుతి తన ఫ్రాంక్స్ మోడల్ నుంచి సేకరించిన 1.0-లీటర్ బూస్టర్జెట్ టర్బో-పెట్రోల్ ఇంజిన్ను రీ-ట్యూన్ చేసి ఇందులో అమర్చింది. ఇది దాదాపు 108-110 bhp పవర్, 170 Nm పీక్ టార్క్ను ఉత్పత్తి చేస్తుంది. దీనికి తోడు మారుతి ఎరేనా నెట్వర్క్లోనే తొలిసారిగా ఈ టర్బో ఇంజిన్ను 6-స్పీడ్ మాన్యువల్ గేర్బాక్స్తో జత చేశారు. పాత 1.5-లీటర్ న్యాచురల్లీ ఆస్పిరేటెడ్ ఇంజిన్లో ఉన్న పవర్ లోటును ఈ టర్బో ఇంజిన్ పూర్తిగా భర్తీ చేస్తుంది. నగరం ట్రాఫిక్తో పాటు హైవేపై ఓవర్టేకింగ్ చేయడానికి ఇది అద్భుతమైన మిడ్-రేంజ్ పెర్ఫార్మెన్స్ అందిస్తుంది.
అండర్ఫ్లోర్ సీఎన్జీ సెటప్
మారుతి సుజుకి చేసిన అత్యంత తెలివైన పని ఏమిటంటే, దీని సిఎన్జి మోడల్లో అందించిన అండర్ఫ్లోర్ ట్యాంక్ సెటప్. సాధారణంగా సీఎన్జీ కార్లలో డిగ్గీ మొత్తం సిలిండర్తో నిండిపోయి లగేజ్ పెట్టడానికి స్థలం ఉండదు. కానీ, బ్రెజ్జాలో సీఎన్జీ ట్యాంక్ను కార్ బాడీ కింద భాగంలో అమర్చడం ద్వారా డిగ్గీ స్పేస్ను వినియోగదారులు పూర్తిగా వాడుకునే అవకాశం లభించింది. ఫ్యామిలీతో లాంగ్ డ్రైవ్లు వెళ్లేవారికి, కమర్షియల్ ఫ్లీట్ నిర్వాహకులకు ఇది పెద్ద గేమ్ ఛేంజర్ కానుంది. అయితే ఈ సీఎన్జీ సెటప్ కేవలం 1.5 లీటర్ ఇంజిన్ వేరియంట్లో మాత్రమే అందుబాటులో ఉంటుంది.
10.1 ఇంచుల డిస్ప్లే, లేదరెట్ లుక్
కారు లోపలి భాగాన్ని చూస్తే, యూజర్లను ఆకట్టుకునేలా భారీ ఫీచర్లను అందించారు. వైర్లెస్ ఆండ్రాయిడ్ ఆటో, ఆపిల్ కార్ప్లే సపోర్ట్తో కూడిన పెద్ద 10.1-ఇంచుల టచ్స్క్రీన్ ఇన్ఫోటైన్మెంట్ సిస్టమ్ను అమర్చారు. దీనికి తోడు వైర్లెస్ ఫోన్ ఛార్జింగ్ సదుపాయం, క్లాసీ లుక్ ఇచ్చే లేదరెట్ అప్హోల్స్టరీ ఉన్నాయి. బయటి డిజైన్లో పెద్దగా మార్పులు చేయనప్పటికీ.. కొత్త ఫ్రంట్ గ్రిల్, రీ-డిజైన్ చేసిన బంపర్, షార్ప్ LED హెడ్లైట్లు, డ్యూయల్-టోన్ అల్లాయ్ వీల్స్, కొత్త టెయిల్ ల్యాంప్స్, టర్బో వేరియంట్లలో ప్రత్యేకమైన Turbo బ్యాజింగ్ ఇచ్చారు.
భారత్ NCAP లో 5-స్టార్ రేటింగ్
సేఫ్టీ విషయంలో మారుతి సుజుకి ఎలాంటి కాంప్రమైజ్ కాకుండా బ్రెజ్జాను మరింత బలంగా తీర్చిదిద్దింది. భారత్ NCAP క్రాష్ టెస్ట్లో ఈ కారు ఏకంగా 5-స్టార్ సేఫ్టీ రేటింగ్ను సాధించి అత్యంత సురక్షితమైన SUVగా నిలిచింది. కస్టమర్ల రక్షణ కోసం ఇందులో 6 ఎయిర్బ్యాగ్లు, ESP (ఎలక్ట్రానిక్ స్టెబిలిటీ ప్రోగ్రామ్), హిల్ హోల్డ్ అసిస్ట్, బ్లైండ్ స్పాట్ వార్నింగ్, రియర్ క్రాస్ ట్రాఫిక్ అలర్ట్, ఫ్రంట్ పార్కింగ్ సెన్సార్లు, 360-డిగ్రీ కెమెరా వంటి ఆధునిక భద్రతా ఫీచర్లను పొందుపరిచారు.
