Ola Roadster : ఓలా రోడ్‌స్టర్ అదిరిపోయే ఆఫర్.. ఏకంగా 60 వేల ధర తగ్గింపు..అస్సలు మిస్సవద్దు

Ola Roadster : ఓలా ఎలక్ట్రిక్ తన అత్యంత శక్తివంతమైన మోటార్‌సైకిల్ రోడ్‌స్టర్ X+ 9.1 ధరను భారీగా తగ్గించింది. గతంలో దీని ధర రూ.1,89,999 ఉండగా, ఇప్పుడు ఏకంగా రూ.60,000 తగ్గించి రూ.1,29,999 (ఎక్స్-షోరూమ్)కే అందుబాటులోకి తెచ్చింది. ఓలా సొంతంగా తయారు చేసిన 4680 భారత్ సెల్ బ్యాటరీ టెక్నాలజీని ఇందులో వాడటం, గీగాఫ్యాక్టరీలో ఉత్పత్తి పెరగడం వల్లే ఈ ధర తగ్గింపు సాధ్యమైందని కంపెనీ తెలిపింది. తక్కువ ధరలో ఎక్కువ రేంజ్ కోరుకునే వారికి ఇది గొప్ప అవకాశం.

కేవలం 46 రూపాయలతో 500 కిలోమీటర్లు

ఈ బైక్ నిర్వహణ ఖర్చు వింటే మీరు నోరెళ్లబెట్టాల్సిందే. రోడ్‌స్టర్ X+ 9.1 ఒకసారి ఫుల్ ఛార్జ్ చేస్తే సుమారు 501 కిలోమీటర్ల వరకు ప్రయాణించవచ్చు. సగటు విద్యుత్ ధర యూనిట్‌కు రూ.5 అనుకున్నా, దీన్ని ఫుల్ ఛార్జ్ చేయడానికి కేవలం రూ.46 మాత్రమే ఖర్చవుతుంది. అంటే కిలోమీటరుకు కేవలం 9 పైసలు మాత్రమే ఖర్చు అవుతుంది. అదే బజాజ్ ప్లాటినా వంటి పెట్రోల్ బైక్ అయితే కిలోమీటరుకు రూ.1.35 ఖర్చవుతుంది. అంటే పెట్రోల్ బైక్ కంటే ఓలా బైక్ పై ప్రయాణం దాదాపు 15 రెట్లు చౌక అన్నమాట.

ఇక లిమిటెడ్ స్లాట్లు మాత్రమే

ఓలా ఈ బైక్ అమ్మకాల కోసం కొత్త పద్ధతిని ప్రవేశపెట్టింది. ఇకపై ఈ బైక్ ఎప్పుడు పడితే అప్పుడు కొనేందుకు అందుబాటులో ఉండదు. కేవలం నిర్ణీత సమయాల్లో మాత్రమే సేల్ స్లాట్లు తెరుస్తారు. మొదటి సేల్ స్లాట్ ఏప్రిల్ 3వ తేదీ సాయంత్రం 6 గంటల నుంచి రాత్రి 9 గంటల వరకు మాత్రమే ఉంటుంది. విపరీతమైన డిమాండ్ ఉండటం, ఉత్పత్తి సామర్థ్యం కంటే ఆర్డర్లు ఎక్కువగా వస్తుండటంతో కంపెనీ ఈ నిర్ణయం తీసుకుంది. ఆసక్తి ఉన్నవారు కంపెనీ వెబ్‌సైట్ లేదా యాప్‌లో నిరంతరం అప్‌డేట్స్ చూస్తూ ఉండాలి.

పెట్రోల్ బైక్ వర్సెస్ ఓలా రోడ్‌స్టర్

బజాజ్ ప్లాటినా 110 ప్రారంభ ధర రూ.69,800 గా ఉంది. దీనితో పోలిస్తే ఓలా బైక్ కొనేటప్పుడు ధర ఎక్కువ అనిపించినా, లాంగ్ రన్‌లో మాత్రం ఓలానే లాభదాయకం. పెట్రోల్ కొట్టించే బాధ ఉండదు, ఆయిల్ మార్చే పని ఉండదు. మెయింటెనెన్స్ ఖర్చు కూడా ఎలక్ట్రిక్ బైక్‌లో చాలా తక్కువ. సుమారు 6 లక్షల కిలోమీటర్లు తిరిగితే పెట్రోల్ బైక్‌కు, దీనికి మధ్య ఉన్న ధర వ్యత్యాసం పూర్తిగా కవర్ అవుతుందని అంచనా. కానీ పర్యావరణానికి మేలు చేయడం, స్మూత్ డ్రైవింగ్ అనుభవం ఓలా ప్రత్యేకత.