Maruti : రికార్డు సృష్టించిన మారుతి మోడల్.. ఏకంగా 3లక్షల యూనిట్ల విక్రయం

Maruti : మారుతి సుజుకి ఇండియా లిమిటెడ్ ఒక శుభవార్తను ప్రకటించింది. భారత మార్కెట్‌లో వారి గ్రాండ్ విటారా ఎస్‌యూవీని 3 లక్షల కంటే ఎక్కువ యూనిట్లు అమ్ముడయ్యాయి. ఇది కేవలం 32 నెలల్లో సాధించిన ఘనత. ఎస్‌యూవీల విభాగంలో ఇది ఒక పెద్ద రికార్డు అని చెప్పవచ్చు. గ్రాండ్ విటారా స్ట్రాంగ్ హైబ్రిడ్ మోడల్ అమ్మకాలు 2024-25 ఆర్థిక సంవత్సరంలో 43 శాతం పెరిగాయి. ఈ ఎస్‌యూవీ మైల్డ్-హైబ్రిడ్ ఇంజిన్‌తో కూడా అందుబాటులో ఉంది.

మారుతి సుజుకి ఇటీవల భారత మార్కెట్‌లో గ్రాండ్ విటారాను విడుదల చేసింది. ఈ ఎస్‌యూవీలో 6 ఎయిర్‌బ్యాగ్‌లు ఉంటాయి. ఇది సేఫ్టీకి ప్రాధాన్యత ఇస్తుంది. కస్టమర్‌ల కోసం కొత్తగా Zeta (O), Alpha (O), Zeta+ (O), Alpha+ (O) మోడళ్లను కూడా అందుబాటులోకి తెచ్చింది. అలాగే, Zeta , Alpha మోడళ్లలో సన్‌రూఫ్ ఆప్షన్ కూడా ఇచ్చింది.

మారుతి కొన్ని కొత్త ఫీచర్లను కూడా జోడించింది. 8-వే పవర్డ్ డ్రైవర్ సీటు , 6AT మోడళ్లకు ఎలక్ట్రానిక్ పార్కింగ్ బ్రేక్, , PM 2.5 డిస్‌ప్లేతో ఆటో ప్యూరిఫై , కొత్త ఎల్‌ఈడీ క్యాబిన్ లైట్, వెనుక డోర్ సన్‌షేడ్, కొత్త డిజైన్‌తో కూడిన 17 అంగుళాల అల్లాయ్ వీల్స్ , ఆల్-వీల్ డ్రైవ్ సిస్టమ్‌ వస్తుంది.

మారుతి సుజుకి గ్రాండ్ విటారా ఒక ప్రీమియం మిడ్-సైజ్ ఎస్‌యూవీ. ఇది అధునాతన హైబ్రిడ్ టెక్నాలజీ, ఆధునిక సదుపాయాలు, అద్భుతమైన మైలేజ్‌తో భారత మార్కెట్‌లో లభిస్తుంది. ఈ సెగ్మెంట్‌లో ఒక ఆసక్తికరమైన విషయం ఏమిటంటే.. మారుతి గ్రాండ్ విటారా, టయోటా అర్బన్ క్రూజర్ హైరైడర్ మాత్రమే ఆల్-వీల్ డ్రైవ్ పవర్‌ట్రైన్‌ను కలిగి ఉన్న ఎస్‌యూవీలు. అంతేకాదు, గ్రాండ్ విటారా ఈ సెగ్మెంట్‌లో ఆటోమేటిక్ ట్రాన్స్‌మిషన్ తో ఆల్-వీల్ డ్రైవ్ సిస్టమ్‌ను అందించే ఏకైక ఎస్‌యూవీ.

గ్రాండ్ విటారా రెండు ఇంజిన్ ఎంపికలలో లభిస్తుంది. 1.5 లీటర్ స్మార్ట్ హైబ్రిడ్ పెట్రోల్ ఇంజిన్ , 1.5 లీటర్ ఇంటెలిజెంట్ ఎలక్ట్రిక్ హైబ్రిడ్ ఇంజిన్ వస్తుంది. గ్రాండ్ విటారా 19.38 నుండి 27.97 కిలోమీటర్ల మైలేజ్ ఇస్తుంది. ఇది దాని సెగ్మెంట్‌లో అత్యంత పొదుపుగా నడిచే ఎస్‌యూవీగా నిలుస్తుంది. గ్రాండ్ విటారా ఎక్స్-షోరూమ్ ధర రూ.11.42 లక్షల నుండి ప్రారంభమై రూ.20.68 లక్షల వరకు ఉంటుంది. ఇది స్మార్ట్ హైబ్రిడ్, ఇంటెలిజెంట్ ఎలక్ట్రిక్ హైబ్రిడ్ మోడళ్లతో కలిపి మొత్తం 32 వేర్వేరు మోడళ్లలో అందుబాటులో ఉంది.