Tata Tigor: దారుణంగా పడిపోయిన ఆ టాటా కార్ సేల్స్.. అక్టోబర్‌లో కేవలం 334 మందే కొన్నారు
334 మందే కొన్నారు
Tata Tigor: దేశీయ ఆటోమొబైల్ దిగ్గజం టాటా మోటార్స్ ఎంట్రీ-లెవల్ సెడాన్ విభాగంలో కీలక మార్పులు చేసింది. ప్రముఖ సెడాన్ టాటా టిగోర్ విక్రయాలను నిలిపివేసి, ఆ స్థానంలో సరికొత్త ఏరిస్ కారును రంగంలోకి దించింది. ఈ నిర్ణయం ప్రభావం అక్టోబర్ 2026 వాహన విక్రయాల గణాంకాల్లో స్పష్టంగా కనిపించింది. ఉత్పత్తి ఆగిపోవడంతో గత నెలలో టిగోర్ కారును కేవలం 334 మంది కస్టమర్లు మాత్రమే కొనుగోలు చేశారు. మరోవైపు మార్కెట్లోకి అడుగుపెట్టిన కొత్త ఎరిస్ కారుకు కస్టమర్ల నుంచి అద్భుతమైన ఆదరణ లభిస్తోంది. అక్టోబర్ నెలలో ఏకంగా 4,005 యూనిట్లు అమ్ముడై సత్తా చాటింది.
మిగిలిన స్టాక్‌పై డీలర్‌షిప్‌లలో భారీ డిస్కౌంట్లు
ప్రస్తుతం టాటా మోటార్స్ అధికారిక వెబ్‌సైట్ నుంచి టిగోర్ పేరును తొలగించారు. అయితే దేశవ్యాప్తంగా పలు డీలర్‌షిప్‌ల వద్ద ఇంకా కొంత పాత స్టాక్ మిగిలి ఉంది. ఆ యూనిట్లను క్లియర్ చేసేందుకు షోరూమ్ నిర్వాహకులు ఆకర్షణీయమైన డిస్కౌంట్లు అందిస్తున్నారు. ఈ భారీ తగ్గింపుల కారణంగానే అక్టోబర్ నెలలో 334 కార్లు అమ్ముడైనట్లు మార్కెట్ వర్గాలు భావిస్తున్నాయి. తక్కువ బడ్జెట్‌లో మంచి సెడాన్ కారు కొనాలనుకునేవారు స్టాక్ అందుబాటులో ఉన్న డీలర్‌షిప్‌లను సంప్రదిస్తే మంచి రాయితీ పొందే అవకాశం ఉంది.
టిగోర్ కంటే తక్కువ ధరకే వచ్చిన కొత్త ఎరిస్
విక్రయాలు ఆగిపోయే సమయానికి టాటా టిగోర్ ప్రారంభ ఎక్స్-షోరూమ్ ధర రూ.5.55 లక్షల నుంచి రూ.8.84 లక్షల మధ్య ఉండేది. కానీ కంపెనీ కొత్తగా తీసుకొచ్చిన ఎరిస్ కారును అంతకంటే తక్కువగా రూ.5.30 లక్షల ప్రారంభ ధరకే విడుదల చేసింది. ధర తక్కువగా ఉండటంతో పాటు ఆధునిక లుక్, మెరుగైన ఫీచర్లు ఉండటం వల్ల కస్టమర్లు ఎరిస్ వైపు మొగ్గు చూపుతున్నారు. టిగోర్ మాదిరిగానే కొత్త ఎరిస్‌లో కూడా కంపెనీ తన ప్రసిద్ధ ట్విన్-సిలిండర్ సీఎన్‌జీ టెక్నాలజీని అందిస్తోంది.
టిగోర్ కారులో అందించిన ఫీచర్లు
టాటా మోటార్స్ 2025లో టిగోర్‌కు చివరిసారిగా అప్‌డేట్ ఇచ్చింది. ఇందులో ఎలిమినేటెడ్ స్టీరింగ్ వీల్, డ్యూయల్-టోన్ లెదర్ ఫినిష్, టాప్ వేరియంట్‌లో 10.25-అంగుళాల ఇన్ఫోటైన్‌మెంట్ స్క్రీన్, 360-డిగ్రీ కెమెరా వంటి ప్రీమియం హంగులు ఉన్నాయి. భద్రత విషయంలోనూ ఎల్ఈడీ హెడ్‌ల్యాంప్స్, ఎలక్ట్రానిక్ స్టెబిలిటీ ప్రోగ్రామ్ (ESP), హిల్ హోల్డ్ కంట్రోల్, రివర్స్ పార్కింగ్ కెమెరా వంటి సదుపాయాలు కల్పించారు. మారుతి డిజైర్, హ్యుందాయ్ ఆరా వంటి కార్లకు గట్టి పోటీ ఇచ్చిన టిగోర్, తన ప్రయాణాన్ని ముగించి కొత్త తరం కారుకు దారిచ్చింది.
