Tata Harrier EV : మహీంద్రాకు గట్టి పోటీ ఇవ్వడానికి టాటా కొత్త ప్లాన్.. నేడు మార్కెట్లోకి నయా మోడల్
Tata Harrier EV : టాటా మోటార్స్ (Tata Motors) తమ కొత్త ఎలక్ట్రిక్ ఎస్‌యూవీ హారియర్ ఈవీ (Harrier EV)ని లాంచ్ చేయకముందే సోషల్ మీడియాలో టీజర్‌ను విడుదల చేసింది. భారతీయ కార్ల తయారీ సంస్థ ఎలక్ట్రిక్ వాహన పోర్ట్‌ఫోలియోకు కొత్త ఫ్లాగ్‌షిప్‌గా జూన్ 3న అంటే నేడు హారియర్ ఈవీని విడుదల చేయనున్నారు. టీజర్‌లో ఎస్‌యూవీని ఒక కొండ అంచున, పైకి ఎక్కడానికి సిద్ధంగా ఉన్నట్లు చూపించారు. అందులో హారియర్ ఈవీ నిటారుగా ఉన్న ప్రదేశాలను అధిగమిస్తున్నట్లు చూపించారు.
కొత్త టెక్నాలజీతో టాటా హారియర్ ఈవీ
టాటా హారియర్ ఈవీలో కంపెనీ కొత్త యాక్టీ.ఈవీ ప్లస్ ఆర్కిటెక్చర్ (Acti.EV Plus Architecture)ను ఉపయోగించనున్నారు. ఇది మంచి పర్ఫార్మెన్స్, అడ్వాన్స్‌డ్ టెక్నాలజీ, ఆల్-వీల్-డ్రైవ్ (AWD) సిస్టమ్‌ను ఒకేసారి అందించడానికి సహాయపడుతుంది. టాటా ఇంకా పూర్తి స్పెసిఫికేషన్లు, ఫీచర్లను విడుదల చేయనప్పటికీ, ఈ కొత్త ఎలక్ట్రిక్ ఎస్‌యూవీ నుంచి చాలా అంచనాలు ఉన్నాయి.
500 కిలోమీటర్లకు పైగా రేంజ్
టాటా హారియర్ ఈవీ ధర రూ. 30 లక్షలు (ఎక్స్-షోరూమ్) ఉండొచ్చని అంచనా. ఇది మహీంద్రా XUV.e9 (Mahindra XEV 9e), BYD అటో 3 (BYD Atto 3) వంటి రాబోయే ఎలక్ట్రిక్ ఎస్‌యూవీలతో పోటీ పడుతుంది. హారియర్ ఈవీ ఆల్-వీల్-డ్రైవ్, డ్యూయల్-మోటార్ సిస్టమ్‌తో వస్తుందని టాటా తెలిపింది. ఈ ఫీచర్లు బ్రాండ్ మొదటి ఆల్-ఎలక్ట్రిక్ ఎస్‌యూవీకి కొత్త ప్రత్యేకత. ఇందులో పెద్ద బ్యాటరీ ప్యాక్ ఉండే అవకాశం ఉంది. ఇది ఒకసారి ఛార్జ్ చేస్తే 500 కిలోమీటర్లకు పైగా రేంజ్‌ను ఇవ్వగలదు. దీనితో పాటు, సింగిల్-మోటార్, ఫ్రంట్-వీల్-డ్రైవ్ ఎంపికతో కూడిన మరింత తక్కువ ధర మోడల్ కూడా అందుబాటులోకి రావొచ్చు.
హారియర్ ఈవీ డిజైన్ ఎలా ఉంటుంది?
టాటా హారియర్ ఈవీ డిజైన్ దాని డీజిల్ మోడల్‌తోనే ఉంటుంది. కానీ ఎలక్ట్రిక్ మోడల్‌ను ప్రత్యేకంగా చూపించే కొన్ని ఎలిమెంట్స్ ఉంటాయి. ఇందులో క్లోజ్డ్ ఫ్రంట్ గ్రిల్ ఉంటుంది. ఇది ఎలక్ట్రిక్ కార్లకు సాధారణ డిజైన్. టాటా నెక్సాన్ ఈవీలో చూసినట్లుగా, ముందు వెనుక బంపర్‌లను కొత్త డిజైన్‌తో మార్చవచ్చు. అంతేకాకుండా, ఎస్‌యూవీలో ఏరో అల్లాయ్ వీల్స్ ఉండవచ్చు. ఇవి రేంజ్, స్ట్రాంగ్ నెస్ పెంచుతాయి. LED లైట్స్‌లో కనెక్ట్ చేయబడిన డేటైమ్ రన్నింగ్ లైట్స్ (DRL) ఉంటాయి. వెనుక లైట్లు స్టాండర్డ్ హారియర్ లాగానే ఉంటాయి.
ఆధునిక ఫీచర్లతో నిండిన ఎస్‌యూవీ
హారియర్ ఈవీ ఇంటీరియర్‌లో చాలా అడ్వాన్స్‌డ్ ఫీచర్లు ఉండే అవకాశం ఉంది. క్యాబిన్ బ్లాక్, వైట్ డ్యూయల్-టోన్ కలర్ స్కీమ్‌తో రావొచ్చు. 12.3-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 10.25-అంగుళాల పూర్తిగా డిజిటల్ ఇన్‌స్ట్రుమెంట్ క్లస్టర్, పనోరమిక్ సన్‌రూఫ్, వెంటిలేటెడ్ ఫ్రంట్ సీట్లు ఉండవచ్చు. ప్రీమియం అప్‌గ్రేడ్‌లలో డ్యూయల్-జోన్ క్లైమేట్ కంట్రోల్, పవర్‌డ్ టెయిల్‌గేట్ (Powered Tailgate) చేర్చవచ్చు. సేఫ్టీ కోసం.. ఎస్‌యూవీలో 6 ఎయిర్‌బ్యాగ్‌లు, 360-డిగ్రీ కెమెరా సిస్టమ్, మెరుగైన డ్రైవింగ్ సహాయం కోసం లెవెల్ 2 ADAS (Advanced Driver-Assistance Systems) టెక్నాలజీని చూడవచ్చు.
