Hero HF Deluxe: ఈ లో బడ్జెట్ బైక్ పై జనాలకు పెరిగిన నమ్మకం.. మే నెలలో భారీగా పెరిగిన అమ్మకాలు

Hero HF Deluxe: భారతదేశంలో ఏప్రిల్ 2025 నెల టూ-వీలర్ అమ్మకాలకు అంతగా కలిసి రాలేదు. అయితే, మే 2025లో హీరో మోటోకార్ప్ అమ్మకాలు పుంజుకున్నాయి. గత నెలలో భారీగా పడిపోయిన హీరో HF డీలక్స్ అమ్మకాలు మే నెలలో గణనీయంగా పెరిగాయి. ఏప్రిల్‌లో ఉత్పత్తి నిలిపివేత కారణంగా అమ్మకాలు తగ్గినప్పటికీ, మే నెలలో తిరిగి పుంజుకుంది. ఈ బైక్ అమ్మకాలు ఎలా పెరిగాయో, దాని ఫీచర్లు, ధర వివరాలను వివరంగా తెలుసుకుందాం.

భారీగా పెరిగిన హీరో హెచ్ఎఫ్ డీలక్స్ అమ్మకాలు

ఏప్రిల్ 2025లో హీరో HF డీలక్స్‌తో సహా హీరో మోటోకార్ప్ మొత్తం అమ్మకాలు ఉత్పత్తి నిలిపివేత కారణంగా గణనీయంగా తగ్గాయి. అయితే, మే 2025 నెలలో హీరో మోటోకార్ప్ అమ్మకాలు 69.48% (నెలవారీ వృద్ధి) పెరిగాయి. మొత్తం మీద హీరో మోటోకార్ప్ 4,88,997 యూనిట్లను దేశీయ మార్కెట్లో విక్రయించి, మళ్ళీ నంబర్ వన్ స్థానాన్ని సంపాదించుకుంది. HF డీలక్స్ ఖచ్చితమైన అమ్మకాల సంఖ్య మే 2025కి ప్రత్యేకంగా వెల్లడించకపోయినా, కంపెనీ మొత్తం మోటార్‌సైకిల్ అమ్మకాలు 0.84% పెరిగి 4,75,164 యూనిట్లకు చేరుకున్నాయి. ఇది HF డీలక్స్ అమ్మకాల పునరుద్ధరణకు కూడా సూచిస్తుంది.

ఫీచర్లు, ఇంజిన్ వివరాలు!

హెచ్ఎఫ్ డీలక్స్ ఒక కమ్యూటర్ బైక్ (Commuter Bike), ఇది 6 వేరియంట్‌లు, 7 రంగులలో అందుబాటులో ఉంది. హెచ్ఎఫ్ డీలక్స్‌లో 97.2cc BS6 ఇంజిన్ ఉంది. ఇది 7.91 bhp పవర్, 8.05 Nm టార్క్ను ఉత్పత్తి చేస్తుంది. ముందు, వెనుక రెండు వైపులా డ్రమ్ బ్రేక్‌లతో, హీరో HF డీలక్స్ రెండు చక్రాలకు కాంభీ బ్రేకింగ్ సిస్టమ్‎తో వస్తుంది. ఈ డీలక్స్ బైక్ బరువు 112 కిలోలు, దాని ఫ్యూయల్ ట్యాంక్ సామర్థ్యం 9.6 లీటర్లు.

హీరో హెచ్ఎఫ్ డీలక్స్ ధర

హెచ్ఎఫ్ డీలక్స్ ఎక్స్-షోరూమ్ ధర రూ.60,448నుండి ప్రారంభమవుతుంది. ఇది 4 వేరియంట్లలో అందుబాటులో ఉంది. ఎంట్రీ-లెవల్ HF డీలక్స్ కిక్ స్టార్ట్ అల్లాయ్ వీల్ వేరియంట్ ధర రూ. 60,448 (ఎక్స్-షోరూమ్). టాప్-ఎండ్ హెచ్ఎఫ్ డీలక్స్ సెల్ఫ్-స్టార్ట్ అల్లాయ్-వీల్ i3S వేరియంట్ ధర రూ. 66,130 (ఎక్స్-షోరూమ్). ఈ బైక్ స్ప్లెండర్ ప్లస్ (Splendor Plus), టీవీఎస్ (TVS) వంటి మోడళ్లకు పోటీ ఇస్తుంది.

బైక్‌లో అధునాతన 'i3S సిస్టమ్'

ఈ బైక్ హై-స్పెక్ వేరియంట్‌లో ఐడిల్ స్టార్ట్-స్టాప్ సిస్టమ్ ఉంది. దీనిని i3S సిస్టమ్ అని పిలుస్తారు. ఇది చిన్నపాటి స్టాప్‌ల సమయంలో ఇంధనాన్ని ఆదా చేయడానికి సహాయపడుతుంది. దీనితో పాటు, ఇందులో సైడ్ స్టాండ్ సెన్సార్, ఇంజిన్ కట్-ఆఫ్ కూడా లభిస్తాయి. హీరో HF డీలక్స్ పొడవైన సింగిల్-పీస్ సీటు, న్యూట్రల్ సెట్ హ్యాండిల్‌బార్, ఫుట్‌పెగ్‌లు, సింగిల్-పీస్ గ్రాబ్-రైల్ వంటి అంశాలతో సరళమైన డిజైన్‌తో వస్తుంది. అమ్మకాలు పుంజుకోవడం ఈ బైక్‌పై వినియోగదారుల నమ్మకాన్ని తిరిగి సంపాదించుకుందని సూచిస్తుంది.