Volkswagen : ఈ కారు కొంటే రూ.3 లక్షలు ఆదా.. ఫోక్స్‌వాగన్ బంపర్ ఆఫర్!
ఫోక్స్‌వాగన్ బంపర్ ఆఫర్!
Volkswagen : పండుగ సీజన్ ప్రారంభం కావడంతో, ఆటోమొబైల్ కంపెనీలు తమ వినియోగదారులను ఆకర్షించడానికి బంపర్ ఆఫర్లను అందిస్తున్నాయి. ఇప్పుడు ఇదే జాబితాలో ఫోక్స్‌వాగన్ ఇండియా కూడా చేరింది. ఈ సంస్థ సెప్టెంబర్ నెలలో తమ అత్యధికంగా అమ్ముడవుతున్న కార్లయిన టైగన్, విర్టస్ పై రూ.3 లక్షల వరకు ఆఫర్లను అందిస్తోంది.
గత నెలలాగే, ఫోక్స్‌వాగన్ టైగన్‌పై కూడా గరిష్టంగా రూ.3 లక్షల వరకు ఆదా చేసుకోవచ్చు. ఏప్రిల్‌లో రూ.49 లక్షల ధరతో విడుదలైన టిగువాన్ ఆర్-లైన్.. ఫోక్స్‌వాగన్ ఫ్లాగ్‌షిప్ మోడల్. దీన్ని పూర్తిగా దిగుమతి చేసుకుంటారు. ఇది 204hp పవర్ తో పనిచేసే 2.0-లీటర్ టర్బో-పెట్రోల్ ఇంజిన్‌ను కలిగి ఉంది. దీనికి 7-స్పీడ్ డ్యుయల్-క్లచ్ ఆటోమేటిక్ ట్రాన్స్‌మిషన్‌ను అమర్చారు.
గత నెలతో పోలిస్తే, ఫోక్స్‌వాగన్ టైగన్‌పై మొత్తం తగ్గింపు దాదాపు రూ.లక్ష తగ్గింది. టైగన్ టాప్‌లైన్ 1.0-లీటర్ టీఎస్ఐ ఏటీ వేరియంట్‌పై అత్యధిక తగ్గింపు లభిస్తోంది. హైలైన్, జీటీ లైన్ ట్రిమ్‌లపై రూ.లక్ష, రూ.1.1 లక్షల వరకు తగ్గింపులు ఉన్నాయి. విర్టస్ మాదిరిగానే, టైగన్ బేస్ కంఫర్ట్‌లైన్ ట్రిమ్ రూ.10.99 లక్షల ప్రత్యేక ధరతో అందుబాటులో ఉంది. ఇది ఎక్స్-షోరూమ్ ధర కంటే రూ.80,000 తక్కువ. టైగన్ జీటీ 1.5-లీటర్ టీఎస్ఐ (క్రోమ్, స్పోర్ట్ రెండూ) వేరియంట్‌పై కొనుగోలుదారులు ఏఎంటీ, డీఎస్జీ ట్రాన్స్‌మిషన్ ఆప్షన్‌లపై రూ.1.55 లక్షల వరకు తగ్గింపు పొందవచ్చు.
ఫోక్స్‌వాగన్ విర్టస్ లైనప్‌లోని 115hp, 1.0-లీటర్ టర్బో-పెట్రోల్ వేరియంట్‌పై గరిష్టంగా రూ.1.5 లక్షల వరకు తగ్గింపు లభిస్తోంది. ఎంట్రీ లెవల్ విర్టస్ కంఫర్ట్‌లైన్ ధర ఇప్పుడు రూ.11.56 లక్షలకు బదులుగా రూ.10.54 లక్షలు. ఇది రూ.1.02 లక్షల తగ్గింపు. ఈ మోడల్ 150hp, 1.5-లీటర్ టర్బో-పెట్రోల్ ఇంజిన్‌ను కలిగి ఉంది. విర్టస్ మోడల్‌లో ఎక్స్ఛేంజ్, లాయల్టీ బోనస్‌తో గరిష్టంగా రూ.90,000 వరకు తగ్గింపు ఉంది. 7-స్పీడ్ డ్యుయల్-క్లచ్ ఆటో కలిగిన అన్ని 1.5-లీటర్ వేరియంట్‌లపై రూ.35,000 నుంచి రూ.40,000 వరకు తగ్గింపు లభిస్తోంది. గత నెలలో ఉన్న రూ.2 లక్షల తగ్గింపు ఇప్పుడు తగ్గింది.
