Airtel : అన్‌లిమిటెడ్ 5G..అమెజాన్ ప్రైమ్ ఫ్రీ..ఇంకేం కావాలి భయ్యా..ఎయిర్ టెల్ ప్లాన్ మామూలుగా లేదు

Airtel : మీరు ఎయిర్‌టెల్ ప్రీపెయిడ్ సిమ్ వాడుతుంటే కంపెనీ అందిస్తున్న 84 రోజుల వ్యాలిడిటీ ప్లాన్లలో అత్యంత ఖరీదైన దాని ధర రూ.1199. సాధారణ ప్లాన్లతో పోలిస్తే దీని ధర ఎక్కువే అయినా, ఇందులో ఇచ్చే బెనిఫిట్స్ కూడా అలాగే ఉంటాయి. ఈ ప్లాన్ తీసుకుంటే మీకు ప్రతిరోజూ 2.5 GB హై స్పీడ్ డేటా లభిస్తుంది. దీనితో పాటు అన్ లిమిటెడ్ వాయిస్ కాలింగ్, రోజుకు 100 ఎస్ఎంఎస్ సౌకర్యం ఉంటుంది. మీ దగ్గర 5G స్మార్ట్‌ఫోన్ ఉండి, మీరు 5G నెట్‌వర్క్ ఏరియాలో ఉంటే.. మీ డైలీ డేటా కోటా అయిపోయినప్పటికీ అన్‌లిమిటెడ్ 5G డేటాను ఎంజాయ్ చేయవచ్చు.

ఈ ప్లాన్ కేవలం డేటాకు మాత్రమే పరిమితం కాదు. రూ. 1199 ఖర్చు చేస్తే ఎయిర్‌టెల్ మీకు అదనపు ప్రయోజనాలను కూడా కల్పిస్తుంది. ఇందులో ముఖ్యంగా అమెజాన్ ప్రైమ్ లైట్ సబ్‌స్క్రిప్షన్ లభిస్తుంది. అంతేకాకుండా ఎయిర్‌టెల్ ఎక్స్‌ట్రీమ్ ప్లే ద్వారా 20కి పైగా ఓటీటీ యాప్స్ను ఉచితంగా చూడొచ్చు. స్పామ్ అలర్ట్స్, నెలకు ఒకసారి ఉచిత హలో ట్యూన్ వంటి సౌకర్యాలు కూడా ఇందులో ఉన్నాయి. ఒకే రీఛార్జ్‌తో దాదాపు మూడు నెలల పాటు డేటా, ఎంటర్టైన్మెంట్ కావాలనుకునే వారికి ఇది బెస్ట్ ఆప్షన్.

అయితే, ఇదే ధరలో రిలయన్స్ జియో కూడా గట్టి పోటీనిస్తోంది. జియో వద్ద కూడా రూ.1199 ప్లాన్ అందుబాటులో ఉంది. కానీ జియో ఇక్కడ ఎయిర్‌టెల్ కంటే ఒకడుగు ముందుకేసింది. జియో ప్లాన్ లో ప్రతిరోజూ 3 GB డేటా లభిస్తుంది (ఎయిర్‌టెల్ కంటే 500 MB ఎక్కువ). జియో కూడా 84 రోజుల వ్యాలిడిటీని అందిస్తోంది. అదనపు బెనిఫిట్స్ విషయానికి వస్తే.. 3 నెలల పాటు జియో హాట్‌స్టార్ సబ్‌స్క్రిప్షన్, 50 GB క్లౌడ్ స్టోరేజ్ మరియు దాదాపు రూ.35,000 విలువైన గూగుల్ జెమిని ప్రో యాక్సెస్‌ను జియో ఉచితంగా ఇస్తోంది.

మొత్తానికి చూస్తే, ఎయిర్‌టెల్, జియో రెండు ప్లాన్ల వ్యాలిడిటీ, కాలింగ్ ఫీచర్లు ఒకేలా ఉన్నా.. డేటా విషయంలో జియో పైచేయి సాధించింది. మీకు అమెజాన్ ప్రైమ్ కావాలనుకుంటే ఎయిర్‌టెల్ తీసుకోవచ్చు, లేదా ఎక్కువ డేటా, గూగుల్ జెమిని వంటి ఏఐ ఫీచర్లు కావాలనుకుంటే జియో ప్లాన్ ఎంచుకోవడం లాభదాయకం.