WhatsApp : వాట్సాప్లో అపరిచిత కాల్స్ వస్తున్నాయా? ఒక్క సెట్టింగ్తో సైబర్ దొంగలకు షాక్ ఇవ్వండి
ఒక్క సెట్టింగ్తో సైబర్ దొంగలకు షాక్ ఇవ్వండి
WhatsApp : ప్రస్తుతం వాట్సాప్ వాడకం ఎంత పెరిగిందో, దానికి తగ్గట్టే సైబర్ నేరగాళ్ల ఆగడాలు కూడా అంతే స్థాయిలో పెరిగిపోయాయి. ముఖ్యంగా ఈ మధ్య కాలంలో చాలా మందికి విదేశీ నంబర్ల నుంచి లేదా గుర్తు తెలియని వ్యక్తుల నుంచి వీడియో కాల్స్, ఆడియో కాల్స్ రావడం సర్వసాధారణమైపోయింది. ఒక్కోసారి ఈ కాల్స్ ఎత్తడం వల్ల డేటా చోరీకి గురికావడమే కాకుండా, పెద్ద ఎత్తున ఆర్థిక మోసాలు కూడా జరుగుతున్నాయి. ఈ సమస్య నుంచి యూజర్లను కాపాడటానికి వాట్సాప్ ఒక అద్భుతమైన ఫీచర్ను అందుబాటులోకి తెచ్చింది. అదే సైలెన్స్ అన్నోన్ కాలర్స్. ఈ సెట్టింగ్ను ఆన్ చేయడం ద్వారా మీ ఫోన్లో సేవ్ లేని నంబర్ల నుండి వచ్చే కాల్స్ ఆటోమేటిక్గా సైలెంట్ అయిపోతాయి.
ఎలా పనిచేస్తుంది? మోసగాళ్ల నుంచి రక్షణ ఎలా?
సాధారణంగా మనకు తెలియని నంబర్ నుంచి ఫోన్ వచ్చినప్పుడు, అది ఎవరో తెలుసుకోవాలన్న కుతూహలంతో లిఫ్ట్ చేస్తాం. సరిగ్గా అక్కడే సైబర్ నేరగాళ్లు మనల్ని బుట్టలో వేసుకుంటారు. అయితే ఈ సైలెన్స్ అన్నోన్ కాలర్స్ ఫీచర్ను గనుక మీరు ఆన్ చేసుకుంటే, అపరిచిత నంబర్ల నుంచి కాల్ వచ్చినప్పుడు మీ ఫోన్ రింగ్ అవ్వదు. విజువల్గా మీకు ఎలాంటి డిస్టర్బెన్స్ ఉండదు. కాల్ కట్ అయిన తర్వాత కేవలం కాల్స్ లిస్ట్లో మాత్రమే అది కనిపిస్తుంది. దీనివల్ల మీకు తెలియకుండానే మీరు ఆ కాల్ను మిస్ చేస్తారు, తద్వారా మోసగాళ్ల ట్రాప్లో పడకుండా సేఫ్గా ఉంటారు. ఇది ఆండ్రాయిడ్ మరియు ఐఫోన్ యూజర్లు ఇద్దరికీ అందుబాటులో ఉంది.
సెట్టింగ్ ఆన్ చేయడం ఎలా?
* మీరు ఆండ్రాయిడ్ లేదా ఐఫోన్ వాడుతున్నా, ఈ కింద చెప్పిన విధంగా చాలా సులభంగా ఈ సెట్టింగ్ను మార్చుకోవచ్చు:
* ముందుగా మీ మొబైల్లో WhatsApp ఓపెన్ చేయండి.
* కుడివైపు పైన ఉన్న త్రీ డాట్స్ (Menu) పై క్లిక్ చేసి Settings లోకి వెళ్లండి.
* అక్కడ మీకు Privacy అనే ఆప్షన్ కనిపిస్తుంది, దానిపై క్లిక్ చేయండి.
* ప్రైవసీ సెట్టింగ్స్లో కిందికి స్క్రోల్ చేస్తే Calls అనే ఆప్షన్ ఉంటుంది.
* అందులో Silence Unknown Callers అనే బటన్ కనిపిస్తుంది. దానిని ON చేయండి.
కేవలం కాల్స్ సైలెంట్ చేయడమే కాకుండా, అపరిచిత నంబర్ల నుంచి వచ్చే లింకులను క్లిక్ చేయకపోవడం మంచిది. వాట్సాప్లో టూ-స్టెప్ వెరిఫికేషన్ ఆన్ చేసుకోవడం వల్ల మీ అకౌంట్ హ్యాక్ అవ్వకుండా ఉంటుంది. ఏదైనా అనుమానాస్పద కాల్ వస్తే వెంటనే ఆ నంబర్ను రిపోర్ట్ చేసి బ్లాక్ చేయడం ఉత్తమం. నేటి డిజిటల్ కాలంలో కొంచెం జాగ్రత్తగా ఉంటే మన వ్యక్తిగత సమాచారాన్ని, డబ్బును పదిలంగా ఉంచుకోవచ్చు.
