Trade Deal : ఇండియా-అమెరికా ట్రేడ్ డీల్.. ఆగస్టు 1 గడువు, భారత్‌కు టారిఫ్‌ల ముప్పు!
ఆగస్టు 1 గడువు, భారత్‌కు టారిఫ్‌ల ముప్పు!
Trade Deal : భారత్, అమెరికా మధ్య వ్యాపార ఒప్పందం ఇంకా ఖరారు కాలేదు. వ్యవసాయం, ఇతర అంశాలపై చర్చలు తీవ్రంగా జరుగుతున్నాయి. ఆగస్టు 1వ తేదీలోగా ఈ ఒప్పందం ఖరారు కావాల్సి ఉంది. అమెరికా మాజీ అధ్యక్షుడు డొనాల్డ్ ట్రం గతంలోనే భారతీయ ఉత్పత్తులపై 27శాతం టారిఫ్‌లు విధిస్తానని చెప్పారు. ఒకవేళ జులై 31వ తేదీలోగా ఒప్పందం కుదరకపోతే, ఆగస్టు 1వ తేదీ నుండి భారతదేశంపై 27% సుంకం విధించబడుతుంది. ఒకవేళ ఒప్పందం కుదిరితే, ఈ సుంకం 10-15%కి పరిమితం కావచ్చు అని చెబుతున్నారు.
ఇప్పటికే కొన్ని దేశాలు అమెరికాతో ఒప్పందాలు చేసుకున్నాయి. ఒప్పందం చేసుకున్న వియత్నాం, ఇండోనేషియా దేశాలపై అమెరికా టారిఫ్‌ను 19-20%కి పరిమితం చేయాలని నిర్ణయించింది. భారతదేశంపై దీనికంటే తక్కువ టారిఫ్ భారం పడవచ్చు అని అంచనా వేస్తున్నారు. అమెరికా, ఇండోనేషియా మధ్య కుదిరిన ఒప్పందం ప్రకారం, అమెరికా ఉత్పత్తులకు ఇండోనేషియా ఎటువంటి సుంకం లేకుండా ప్రవేశం కల్పించాలి. అయితే, ఇండోనేషియా ఉత్పత్తులు అమెరికాలోకి ప్రవేశించడానికి 19-20% టారిఫ్ చెల్లించాలి. ఇది ఇప్పటికే కుదిరిన ఒప్పందం. ఇదే మోడల్‌లో భారతదేశంతో ఒప్పందం కూడా ఉంటుంది అని అమెరికా అధ్యక్షుడు తెలిపారు.
సమానమైన పన్నులు కాకుండా, అమెరికా ఎందుకు ఎక్కువ టారిఫ్‌లు విధిస్తోంది? దీనికి కారణం అమెరికా తన అధిక వ్యాపార లోటును తగ్గించుకోవాలని చూస్తోంది. భారతదేశం, చైనా, ఇండోనేషియా, వియత్నాం వంటి అనేక దేశాలు అమెరికా నుండి దిగుమతి చేసుకునే దానికంటే ఎక్కువ మొత్తంలో వస్తువులను ఎగుమతి చేస్తాయి. ఇలా వ్యాపార లోటు ఉన్న దేశాలపై అమెరికా టారిఫ్ చర్యలు తీసుకుంటోంది.
అంటే, ఈ వ్యాపార లోటును పూడ్చుకునే విధంగా అమెరికా వివిధ దిగుమతులపై టారిఫ్‌లు విధిస్తుంది. ఒకవేళ, తన టారిఫ్ చర్యలకు ప్రతిగా ఆ దేశం తిరిగి సుంకాలు విధించడానికి ప్రయత్నిస్తే, అమెరికా ఇంకా ఎక్కువ సుంకాలు విధిస్తుంది. అమెరికా వంటి పెద్ద మార్కెట్‌ను కోల్పోవడానికి చాలా దేశాలకు ధైర్యం ఉండదు అనేది నిజం.
