ITR Refund : ఐటీఆర్ రిఫండ్ ఆగిపోవడానికి కారణం ఇదే.. ఇలా చేస్తే త్వరగా వస్తుంది

ITR Refund : ట్యాక్స్ పేయర్లు ఆదాయపు పన్ను రిటర్న్ (ITR) దాఖలు చేసిన తర్వాత, తమ రిఫండ్ కోసం ఆసక్తిగా ఎదురుచూస్తారు. చాలా మందికి రిఫండ్ ఎప్పుడు వస్తుంది? అనే ప్రశ్న ఉంటుంది. వాస్తవానికి, పన్ను చెల్లింపుదారులు తమ ఐటీఆర్​కు ఈ-వెరిఫికేషన్ చేసిన తర్వాతే రిఫండ్ ప్రక్రియ మొదలవుతుంది. సాధారణంగా ఈ-వెరిఫికేషన్ పూర్తయిన తర్వాత, రిఫండ్ రావడానికి రెండు వారాల నుంచి రెండు నెలల వరకు పట్టవచ్చు.

రిఫండ్ ఎందుకు ఆలస్యమవుతుంది?

రిఫండ్ ఆలస్యానికి చాలా కారణాలు ఉండవచ్చు. ఒకవేళ ఐటీఆర్ దాఖలు చేసేటప్పుడు ఏదైనా తప్పులు జరిగి ఉంటే, పన్ను చెల్లింపుదారులు రివైజ్డ్ రిటర్న్ దాఖలు చేయాల్సి ఉంటుంది. అయితే, ఆదాయపు పన్ను శాఖ మార్గదర్శకాల ప్రకారం, ఐటీఆర్ దాఖలు అయిన వెంటనే రిఫండ్ ప్రక్రియ మొదలవుతుంది. ఈ-వెరిఫికేషన్ త్వరగా చేస్తే రిఫండ్ కూడా త్వరగా వస్తుంది.

కొన్ని సందర్భాలలో రిఫండ్ నిలిచిపోతుంది. చాలా వరకు, ఐటీఆర్ దాఖలు చేసిన 30 రోజుల్లోపు ఈ-వెరిఫికేషన్ చేయకపోవడం లేదా తప్పు బ్యాంక్ వివరాలు ఇవ్వడం వల్ల ఇలా జరుగుతుంది. అందువల్ల, ఐటీఆర్ సరిగ్గా దాఖలు చేయడం, 30 రోజుల్లోపు ఈ-వెరిఫికేషన్ చేయడం చాలా ముఖ్యం. అలా చేయకపోతే రిటర్న్ చెల్లదు. ఈ-వెరిఫికేషన్ తర్వాతే ఆదాయపు పన్ను శాఖ రిఫండ్ ప్రక్రియను మొదలుపెడుతుంది.

రిఫండ్ రాకపోతే ఏం చేయాలి?

రిఫండ్ ఆలస్యం అయితే పన్ను చెల్లింపుదారులు కొన్ని విషయాలు పాటించవచ్చు.

* ఐటీఆర్-1 దాఖలు చేసిన వారికి సాధారణంగా 10 నుంచి 15 రోజుల్లో రిఫండ్ వస్తుంది.

* ఐటీఆర్-2 దాఖలు చేసిన వారికి 20 నుంచి 45 రోజుల వరకు సమయం పట్టవచ్చు.

* ఐటీఆర్-3 దాఖలు చేసిన వారికి రిఫండ్ రావడానికి దాదాపు రెండు నెలలు పట్టవచ్చు.

ఒకవేళ రిఫండ్ ఆలస్యమైతే, ఆదాయపు పన్ను శాఖ హెల్ప్‌లైన్ నెంబర్ 1800-103-4455కి కాల్ చేయవచ్చు. దీనితో పాటు, [email protected] అనే మెయిల్ ఐడీకి ఈ-మెయిల్ పంపి కూడా అధికారులను సంప్రదించవచ్చు.