Recharge Plan : జియో ధమాకా.. రూ. 195 కే 90 రోజుల వ్యాలిడిటీ.. ఓటిటి ప్రియులకు పండగే

Recharge Plan : రిలయన్స్ జియో తన కస్టమర్ల కోసం ఎప్పటికప్పుడు సరికొత్త ప్లాన్లను తీసుకువస్తుంటుంది. ముఖ్యంగా తక్కువ ధరలో ఎక్కువ కాలం వ్యాలిడిటీ కోరుకునే వారి కోసం జియో వద్ద ఒక అదిరిపోయే ప్లాన్ ఉంది. కేవలం రూ.195కే ఏకంగా 90 రోజుల వ్యాలిడిటీని అందిస్తూ జియో అందరినీ ఆశ్చర్యపరుస్తోంది. అయితే, ఇది అందరికీ పనికొచ్చే సాధారణ ప్లాన్ కాదు. ముఖ్యంగా సినిమాలు, వెబ్ సిరీస్‌లు ఇష్టపడే ఓటిటి ప్రేమికుల కోసం జియో ఈ ప్రత్యేక ప్లాన్‌ను డిజైన్ చేసింది. దీనికి సంబంధించిన పూర్తి వివరాలు, ఎయిర్‌టెల్‌తో పోలిక ఈ వార్తలో చూద్దాం.

జియో అందిస్తున్న ఈ రూ.195 ప్లాన్ ప్రధానంగా డేటా మరియు ఎంటర్‌టైన్‌మెంట్ కేటగిరీలోకి వస్తుంది. ఈ ప్లాన్ ద్వారా యూజర్లకు మొత్తం 15 GB హై-స్పీడ్ డేటా లభిస్తుంది. ఈ డేటా లిమిట్ అయిపోయిన తర్వాత ఇంటర్నెట్ స్పీడ్ 64kbps కి తగ్గుతుంది. అయితే, ఈ ప్లాన్‌లో ఉచిత కాల్స్ లేదా ఎస్ఎంఎస్ సదుపాయం ఉండదు. కానీ ఈ ప్లాన్ ఇచ్చే అసలైన కిక్కు ఏంటంటే.. 90 రోజుల పాటు Jio Hotstar మొబైల్, టీవీ యాక్సెస్‌ను ఉచితంగా పొందవచ్చు. అంటే, మీరు మీ రెగ్యులర్ కాలింగ్ ప్లాన్‌తో పాటు దీనిని రీఛార్జ్ చేసుకుంటే, మూడు నెలల పాటు హాయిగా ఓటిటి కంటెంట్‌ను ఎంజాయ్ చేయవచ్చు.

ఇదే రూ.195 ధరలో ఎయిర్‌టెల్ కూడా ఒక ప్లాన్‌ను ఆఫర్ చేస్తోంది, కానీ జియోతో పోలిస్తే ఎయిర్‌టెల్ వెనకబడి ఉందనే చెప్పాలి. ఎయిర్‌టెల్ తన రూ. 195 ప్లాన్‌తో కేవలం 12 GB డేటాను మాత్రమే ఇస్తోంది. అన్నింటికంటే ముఖ్యంగా ఎయిర్‌టెల్ ప్లాన్ వ్యాలిడిటీ కేవలం 30 రోజులు మాత్రమే. కానీ జియో అదే ధరకు 90 రోజుల వ్యాలిడిటీని ఇస్తోంది. ఎయిర్‌టెల్ కూడా జియో హాట్‌స్టార్ సబ్‌స్క్రిప్షన్ ఇస్తున్నప్పటికీ, అది కేవలం ఒక నెలకు మాత్రమే పరిమితం. అయితే ఎయిర్‌టెల్ ఎక్స్‌స్ట్రీమ్ ప్లే ద్వారా 20కి పైగా ఇతర ఓటిటి యాప్‌ల యాక్సెస్‌ను అదనంగా ఇస్తుంది. వ్యాలిడిటీ మరియు హాట్‌స్టార్ ముఖ్యం అనుకునే వారికి మాత్రం జియోనే బెస్ట్ ఆప్షన్.

మీరు ఇప్పటికే అన్‌లిమిటెడ్ కాల్స్ వచ్చే లాంగ్ టర్మ్ ప్లాన్ వాడుతూ.. అదనంగా ఓటిటి సబ్‌స్క్రిప్షన్, కొంచెం ఎక్స్‌ట్రా డేటా కావాలనుకుంటే ఈ రూ.195 ప్లాన్ మీకు సరిగ్గా సరిపోతుంది. కేవలం రూ. 195 ఖర్చుతో మూడు నెలల పాటు హాట్‌స్టార్ ప్రీమియం కంటెంట్‌ను చూడటం అనేది చాలా చౌకైన డీల్ అని చెప్పాలి. విడివిడిగా హాట్‌స్టార్ సబ్‌స్క్రిప్షన్ తీసుకోవాలంటే ఇంతకంటే ఎక్కువే ఖర్చవుతుంది. కాబట్టి జియో యూజర్లు ఈ అవకాశాన్ని చక్కగా వాడుకోవచ్చు.