Phone Pe : ఫోన్‌పేకు పండగే పండగ.. ఏకంగా ఆర్బీఐ నుంచి బంపర్ ఆఫర్
ఏకంగా ఆర్బీఐ నుంచి బంపర్ ఆఫర్
Phone Pe : ఆన్‌లైన్ పేమెంట్స్ రంగంలో దూసుకుపోతున్న ప్రముఖ ఫిన్‌టెక్ సంస్థ ఫోన్‌పేకు రిజర్వ్ బ్యాంక్ ఆఫ్ ఇండియా ఒక పెద్ద శుభవార్త చెప్పింది. ఆన్‌లైన్ పేమెంట్ అగ్రిగేటర్ లైసెన్స్ మంజూరు చేయడంతో ఫోన్‌పే ఇకపై చిన్న, మధ్య తరహా వ్యాపారులకు కూడా సులభంగా పేమెంట్లు స్వీకరించే సదుపాయాన్ని కల్పించనుంది. ఈ లైసెన్స్ వల్ల ఫోన్‌పేకు కలిగే లాభాలు, ఈ రంగంలో అది సాధించబోయే ఆధిపత్యం గురించి వివరంగా తెలుసుకుందాం.
రిజర్వ్ బ్యాంక్ ఆఫ్ ఇండియా (RBI) ఫోన్‌పేకు ఒక పెద్ద బహుమతి ఇచ్చింది. ఆన్‌లైన్ పేమెంట్ అగ్రిగేటర్గా పనిచేయడానికి లైసెన్స్ మంజూరు చేసింది. దీనితో ఫోన్‌పే ఇప్పుడు వ్యాపారులకు పేమెంట్లు స్వీకరించే, వాటిని సెటిల్ చేసే సేవలను సులభంగా అందించగలుగుతుంది. ఇప్పటివరకు ఫోన్‌పేకు కేవలం ఆన్‌లైన్ పేమెంట్ సేవలు అందించడానికి మాత్రమే అనుమతి ఉంది.
శుక్రవారం ఫోన్‌పేకు ఈ ఆన్‌లైన్ పేమెంట్ అగ్రిగేటర్ లైసెన్స్ లభించింది. ఈ లైసెన్స్ తో ఫోన్‌పే చిన్న, మధ్య తరహా వ్యాపారాలు, వ్యాపారులకు తమ నెట్‌వర్క్‌ను విస్తరిస్తుంది. ఫోన్‌పే మర్చంట్ బిజినెస్ సీఈఓ యువరాజ్ సింగ్ షెఖావత్ మాట్లాడుతూ.. ఈ లైసెన్స్ తో ముఖ్యంగా ఇంతకుముందు మెరుగైన సేవలు అందుకోని చిన్న వ్యాపారాలకు అత్యుత్తమ సేవలు అందించగలమని తెలిపారు.
ఫోన్‌పేకు మరిన్ని లాభాలు
ఈ లైసెన్స్ లభించడం వల్ల ఫోన్‌పే తన పేమెంట్ గేట్‌వేను మరింత బలోపేతం చేసుకోగలుగుతుంది. ఈ గేట్‌వే ద్వారా వ్యాపారులను సులభంగా ఆన్‌బోర్డ్ చేసుకోవచ్చు, డెవలపర్‌లకు సులభమైన ఇంటిగ్రేషన్ మరియు పేమెంట్ సక్సెస్ రేటును పెంచడానికి ఒక సులభమైన చెక్అవుట్ అనుభవాన్ని అందిస్తుంది.
2016లో ప్రారంభమైన ఫోన్‌పే, ప్రస్తుతం భారతదేశంలోని అతిపెద్ద ఫిన్‌టెక్ సంస్థలలో ఒకటి. దీనికి 65 కోట్ల మందికి పైగా రిజిస్టర్డ్ యూజర్లు, 4.5 కోట్ల వ్యాపారుల నెట్‌వర్క్, రోజుకు 36 కోట్ల కంటే ఎక్కువ లావాదేవీలు ఉన్నాయి. పేమెంట్స్, ల్యాండింగ్, ఇన్సూరెన్స్ డిస్ట్రిబ్యూషన్, హైపర్‌లోకల్ ఈ-కామర్స్ వంటి ఎన్నో సేవలను ఫోన్‌పే అందిస్తోంది.
ఆన్‌లైన్ పేమెంట్ అగ్రిగేటర్ అంటే ఏమిటి?
ఆన్‌లైన్ పేమెంట్ అగ్రిగేటర్ అనేది ఒక సర్వీస్. ఇది వ్యాపారులకు తమ కస్టమర్ల నుంచి ఆన్‌లైన్ పేమెంట్స్ సులభంగా స్వీకరించడానికి సహాయపడుతుంది.
వ్యాపారిని చేర్చడం: ఒక వ్యాపారం (ఉదాహరణకు, ఒక ఆన్‌లైన్ స్టోర్) పేమెంట్ అగ్రిగేటర్‌తో ఒప్పందం చేసుకుంటుంది. అగ్రిగేటర్ KYC, వ్యాపార వివరాలను వెరిఫై చేసి, వ్యాపారిని తమ ప్లాట్‌ఫారమ్‌లో చేర్చుకుంటుంది.
పేమెంట్ గేట్‌వే ఇంటిగ్రేషన్: అగ్రిగేటర్ తమ పేమెంట్ గేట్‌వేను వ్యాపారి వెబ్‌సైట్ లేదా యాప్‌లో అనుసంధానం చేస్తుంది. ఇది ఒక డిజిటల్ క్యాష్ కౌంటర్ లాగా పనిచేస్తుంది.
మల్టిపుల్ పేమెంట్ ఆప్షన్స్: అగ్రిగేటర్ క్రెడిట్/డెబిట్ కార్డ్, యూపీఐ, నెట్ బ్యాంకింగ్, ఫోన్‌పే, గూగుల్ పే వంటి వాలెట్లు సహా అనేక పేమెంట్ పద్ధతులను అందిస్తుంది. కస్టమర్ తనకు నచ్చిన పద్ధతిలో పేమెంట్ చేస్తాడు.
పేమెంట్ ప్రాసెసింగ్: కస్టమర్ పేమెంట్ చేసిన తర్వాత, అగ్రిగేటర్ ఆ డబ్బును ప్రాసెస్ చేస్తుంది. దీని కోసం బ్యాంకులు, కార్డ్ నెట్‌వర్క్‌లతో కలిసి పని చేస్తుంది. పేమెంట్ విజయవంతమైతే, కస్టమర్‌కు కన్ఫర్మేషన్ లభిస్తుంది. ఒకవేళ పేమెంట్ తిరస్కరించబడితే, అందుకు కారణాన్ని కూడా తెలియజేస్తుంది.
