Reliance AI : ముఖేష్ అంబానీకి గూగుల్, మెటా మద్దతు.. కిరాణా దుకాణాలకు ఏఐ సేవలు
కిరాణా దుకాణాలకు ఏఐ సేవలు
Reliance AI : ముకేశ్ అంబానీ రిలయన్స్ ఇండస్ట్రీస్ సమావేశంలో ఆర్టిఫిషియల్ ఇంటెలిజెన్స్ గురించి కీలక విషయాలు చెప్పారు. ఈ సమావేశానికి గూగుల్ సీఈఓ సుందర్ పిచాయ్, మెటా (ఫేస్‌బుక్) సీఈఓ మార్క్ జుకర్‌బర్గ్ కూడా వచ్చారు. దీని వల్ల చాలా పెద్ద మార్పులు రాబోతున్నాయి. ఇప్పటివరకు ఏఐ అంటే పెద్ద కంపెనీలలో మాత్రమే చూశాం. కానీ ఇప్పుడు రిలయన్స్ కొత్త ప్లాన్ ప్రకారం.. మన ఊళ్లలో ఉండే చిన్న కిరాణా దుకాణాలకు కూడా ఏఐ టెక్నాలజీ రాబోతోంది. గూగుల్, రిలయన్స్ కలిసి ఆటోమేటిక్‌గా స్టాక్‌ను మేనేజ్ చేయడం, డిజిటల్ చెల్లింపులు వంటి సదుపాయాలను చిన్న వ్యాపారులకు కూడా అందిస్తాయి.
గుజరాత్‌లో కొత్త క్లౌడ్ సెంటర్
గూగుల్ క్లౌడ్, జియో కలిసి గుజరాత్‌లోని జామ్‌నగర్‌లో ఒక కొత్త క్లౌడ్ సెంటర్‌ను కడుతున్నాయి. ఇది పూర్తిగా భారతదేశంలోనే తయారవుతుంది. ఇంకా, ఇది రిలయన్స్ తయారు చేసే క్లీన్ ఎనర్జీతో నడుస్తుంది.
అందరికీ అందుబాటులో ఏఐ
మెటా సీఈఓ మార్క్ జుకర్‌బర్గ్ మాట్లాడుతూ, తాము తయారు చేసిన లామా వంటి ఓపెన్-సోర్స్ ఏఐ మోడల్స్ వల్ల చిన్న వ్యాపారాలు, స్టార్టప్‌లు కూడా ఈ టెక్నాలజీని సులభంగా ఉపయోగించుకోవచ్చని తెలిపారు. మొత్తానికి, ఈ కొత్త టెక్నాలజీల వల్ల మన దేశంలోని చిన్న చిన్న వ్యాపారులు కూడా ఎంతో అభివృద్ధి చెందడానికి అవకాశం లభిస్తుంది.
