Rocket Service : స్పేస్ కిడ్స్ సంచలనం.. రూ.30కే రాకెట్ సర్వీస్..భారత్ అంతరిక్ష సూపర్‌పవర్‌గా మారుతుందా?
రూ.30కే రాకెట్ సర్వీస్..భారత్ అంతరిక్ష సూపర్‌పవర్‌గా మారుతుందా?
Rocket Service : ప్రపంచంలోనే అత్యంత తేలికైన ఉపగ్రహం కలామ్ శాట్ను రూపొందించిన స్పేస్ కిడ్స్ అనే చెన్నై కంపెనీ ఇప్పుడు అంతరిక్ష రంగంలో మరో ముందడుగు వేసింది. ఈ సంస్థ 3డీ ప్రింటింగ్ టెక్నాలజీని ఉపయోగించి బయోప్లాస్టిక్, కార్బన్ ఫైబర్‌తో తయారు చేసిన ఒక వినూత్నమైన, పర్యావరణ అనుకూలమైన ఎలక్ట్రిక్ రాకెట్‌ను ఆవిష్కరించింది. కేవలం 30 రూపాయల అతి తక్కువ ఖర్చుతో పేలోడ్‌లను అంతరిక్షంలోకి తీసుకెళ్లే సామర్థ్యం ఉన్న ఈ రాకెట్ గురించి పూర్తి వివరాలు ఇప్పుడు తెలుసుకుందాం.
ప్రపంచంలోనే తేలికైన శాటిలైట్ అయిన కలామ్ శాట్ను సృష్టించిన చెన్నైకి చెందిన స్పేస్ కిడ్స్ ఇండియా కంపెనీ ఇప్పుడు వాయుపుత్ర అనే ఎలక్ట్రిక్ రాకెట్‌ను ఆవిష్కరించింది. ఈ రాకెట్‌ను 3డీ ప్రింటింగ్ టెక్నాలజీని ఉపయోగించి తయారు చేశారు. ఇది బయోప్లాస్టిక్, కార్బన్ ఫైబర్‌తో రూపొందించబడింది. ఈ రాకెట్ పూర్తిగా పర్యావరణ అనుకూలమైనది. ఈ స్పేస్ కిడ్స్ కంపెనీ వెనుక ఉన్న ముఖ్య శక్తి డాక్టర్ శ్రీమతి కేశన్. ఆమె ప్రకారం ఈ సంస్థలో వినూత్న ఆలోచనలు గల యువ ఉద్యోగుల బృందం ఉంది.
ఈ ఆవిష్కరణ ద్వారా తక్కువ ఖర్చుతో పేలోడ్‌లను ఆకాశంలోకి పంపే అవకాశం లభించింది. డా. శ్రీమతి కేశన్ మాట్లాడుతూ ఈ పరిశ్రమ భారతదేశాన్ని సూపర్‌పవర్‌గా మార్చగలదని విశ్వాసం వ్యక్తం చేశారు. స్పేస్ కిడ్స్ ఆవిష్కరించిన ఈ వాయుపుత్ర రాకెట్ సుమారు 4-5 కిలోమీటర్ల ఎత్తుకు చిన్న పేలోడ్‌లను తీసుకెళ్లగలదు. ఒక పేలోడ్‌ను పంపడానికి అయ్యే ఖర్చు కేవలం 30 రూపాయలు మాత్రమే.
వాయుపుత్ర రాకెట్ అతి తక్కువ ఖర్చుతో కూడుకున్నది కాబట్టి, ఇది అంతరిక్ష రంగంలో పరిశోధనలు చేయాలనుకునే విద్యార్థులకు ఒక గొప్ప వరంగా మారనుంది. విద్యార్థులు ఈ రాకెట్‌ను ఉపయోగించి అంతరిక్ష రంగంలో ప్రయోగాలు చేయవచ్చు. ఉదాహరణకు, గాలి నాణ్యత సెన్సార్లు, గాలి కదలిక సెన్సార్లు, కాలుష్య అధ్యయనం వంటి పనులకు పరిమితమైన చిన్న పరికరాలను పేలోడ్‌లుగా పంపడానికి ఈ రాకెట్ అనుకూలంగా ఉంటుంది.
