Trump : 'ట్రంప్ మొబైల్' తో టెలికాం రంగంలోకి డోనాల్డ్ ట్రంప్ ఎంట్రీ.. అన్ లిమిటెడ్ కాల్స్, డేటా

Trump : డోనాల్డ్ ట్రంప్ కేవలం రాజకీయాల్లోనే కాదు, ఇప్పుడు టెక్నాలజీ ప్రపంచంలోనూ తన సత్తా చాటడానికి రెడీ అయ్యారు. అమెరికాలో 'ట్రంప్ మొబైల్' పేరుతో కొత్త 5G మొబైల్ సర్వీస్‌ను ప్రారంభించారు. ఇందులో సూపర్ ఫాస్ట్ ఇంటర్నెట్ మాత్రమే కాకుండా, ట్రంప్ బ్రాండ్ ప్రత్యేక స్మార్ట్‌ఫోన్ 'T1 ఫోన్'ను కూడా లాంచ్ చేశారు.

ట్రంప్ 5G సర్వీస్ ఏంటి?

ట్రంప్ మొబైల్ సర్వీస్ ముఖ్య ఉద్దేశ్యం అమెరికాలోని ప్రతి మూలకు 5G నెట్‌వర్క్‌ను అందించడం. ఈ సర్వీస్‌ను స్వయంగా డోనాల్డ్ ట్రంప్ జూనియర్, ఎరిక్ ట్రంప్ ప్రారంభించారు. దీనికి 'ది 47 ప్లాన్' అని పేరు పెట్టారు. ఇది డోనాల్డ్ ట్రంప్ 47వ అధ్యక్షుడిగా మారాలనే లక్ష్యాన్ని సూచిస్తుంది. లాంచ్ తేదీ కూడా ప్రత్యేకంగా నిర్ణయించారు – సరిగ్గా ట్రంప్ పదేళ్ల క్రితం అధ్యక్షుడిగా పోటీ చేస్తానని ప్రకటించిన రోజునే దీన్ని లాంచ్ చేశారు.

ట్రంప్ సొంత మొబైల్ టవర్లు నిర్మించారా?

ట్రంప్ మొబైల్ అమెరికాలోని మూడు పెద్ద టెలికాం కంపెనీలతో పార్టనర్ షిప్ కుదుర్చుకుంది. అంటే, వారు సొంత టవర్ మౌలిక సదుపాయాలను నిర్మించడం లేదు. బదులుగా ప్రస్తుతం ఉన్న నెట్‌వర్క్‌లను ఉపయోగిస్తున్నారు. ట్రంప్ మొబైల్ ఒక వర్చువల్ మొబైల్ ఆపరేటర్, ఇది ఇతర నెట్‌వర్క్‌లపై తన బ్రాండింగ్‌ను, ప్లాన్‌లను అందిస్తోంది.

ఈ ప్లాన్‌లో ఏమేమి ఉంటాయి?

ట్రంప్ మొబైల్‌కు కేవలం ఒకే ప్లాన్ ఉంది: నెలకు $47.45 (సుమారు రూ.4,000). ఇందులో మీకు అనేక ప్రయోజనాలు లభిస్తాయి. అన్‌లిమిటెడ్ కాలింగ్, మెసేజింగ్ , అన్‌లిమిటెడ్ 5G డేటా, డివైజ్ ప్రొటెక్షన్, టెలిహెల్త్ సర్వీస్ లాంటివి ఉంటాయి.

'T1' స్మార్ట్‌ఫోన్ ఏంటి?

ఈ సర్వీస్‌తో పాటు ట్రంప్ T1 ఫోన్ లాంచ్ చేశారు. ఇది గోల్డెన్ ఫినిషింగ్ ఉన్న స్మార్ట్‌ఫోన్, దీని ధర $499 (సుమారు రూ.43,000). ప్రీ-ఆర్డర్ (Pre-order) చేసేవారు $100 (రూ.8,500) అడ్వాన్స్ చెల్లించాలి. ఈ ఫోన్ అమెరికాలోనే తయారు చేశారు. ఐఫోన్ వంటి ప్రీమియం ఫీచర్లు ఇందులో ఉంటాయని కంపెనీ పేర్కొంది.

100 దేశాల్లో ఉచిత అంతర్జాతీయ కాలింగ్?

T1 ఫోన్ వినియోగదారులు 100 కంటే ఎక్కువ దేశాల్లో ఉచిత అంతర్జాతీయ కాల్స్ చేసుకోవచ్చు, ముఖ్యంగా అమెరికా సైనిక స్థావరాలు ఉన్న దేశాల్లో ఈ సౌకర్యం ఉంటుంది. 'ది 47 ప్లాన్' ట్రంప్ మొబైల్ వెబ్‌సైట్ trumpmobile.com లో అందుబాటులో ఉంది. ఫోన్ డెలివరీలు ఆగస్టు 2025 నుండి ప్రారంభం కావచ్చు.