SEBI : అమెరికాకు చెందిన ట్రేడింగ్ సంస్థ జైన్ స్ట్రీట్, భారత మార్కెట్ రెగ్యులేటర్ సెబీ (SEBI) మధ్య ఉన్న వివాదం ఇప్పుడు కోర్టుకు చేరింది. సెబీ తమపై మోసాలకు పాల్పడ్డారని ఆరోపణలు చేయగా, వాటిని వ్యతిరేకిస్తూ జైన్ స్ట్రీట్ సంస్థ సెక్యూరిటీస్ అప్పీలేట్ ట్రిబ్యునల్ (SAT) లో అప్పీల్ చేసింది. ఈ కేసు విచారణ ఇప్పుడు మొదలైంది.
సెబీ ఆరోపణలు, జైన్ స్ట్రీట్ వాదనలు
సెబీ తమ మధ్యంతర ఆదేశంలో జైన్ స్ట్రీట్ హై-ఫ్రీక్వెన్సీ ట్రేడింగ్‌లో అక్రమాలకు పాల్పడిందని ఆరోపించింది. దీనిపై జైన్ స్ట్రీట్ సెబీ చర్యలకు స్టే ఇవ్వాలని కోరింది. అలాగే, తమ కేసును వాదించడానికి అవసరమైన ముఖ్యమైన డాక్యుమెంట్లను సెబీ ఇవ్వడం లేదని ఆరోపించింది. ముఖ్యంగా దుబాయ్‌కు చెందిన మయంక్ బన్సల్‌తో సెబీ జరిపిన ఈమెయిల్ సంభాషణలు, NSEతో జరిగిన మెయిల్స్ కావాలని జైన్ స్ట్రీట్ అడిగింది. సెబీ మాత్రం ఆ డాక్యుమెంట్లు వేరే విచారణకు చెందినవని, ఈ కేసుతో సంబంధం లేదని వాదిస్తోంది.
భారత మార్కెట్‌పై ప్రభావం
ఈ కేసు జైన్ స్ట్రీట్‌తో పాటు ఇతర హై-స్పీడ్ ట్రేడింగ్ సంస్థలపైనా ప్రభావం చూపనుంది. ఆర్థిక నిపుణుల ప్రకారం, ఈ కేసులో కోర్టు నిర్ణయం భారత మార్కెట్లో పారదర్శకత, నిజాయితీని పెంచుతుంది. సెబీ నివేదికల ప్రకారం, రిటైల్ ఇన్వెస్టర్లు ఫ్యూచర్స్, ఆప్షన్స్ ట్రేడింగ్‌లో భారీ నష్టాలు చవి చూస్తున్నారు, కానీ హై-ఫ్రీక్వెన్సీ ట్రేడింగ్ సంస్థలు లాభాలు పొందుతున్నాయి. అందువల్ల ఈ కేసు ఫలితం చాలా కీలకమైనదిగా భావిస్తున్నారు.
