Actress Lavanya Tripathi: ప్రెగ్నెన్సీలోనూ షూటింగ్.. సతీ లీలావతి కోసం మెగా కోడలు కష్టం..

Actress Lavanya Tripathi: నటి లావణ్య త్రిపాఠి పెళ్లి తర్వాత కూడా కెరీర్‌పై తనకున్న అంకితభావాన్ని చాటుకుంటున్నారు. ఇటీవల బాబుకు జన్మనిచ్చిన ఆమె.. తాను గర్భవతిగా ఉన్న సమయంలో నటించిన సతీ లీలావతి సినిమా ప్రమోషన్లలో ఆసక్తికర విషయాలను పంచుకున్నారు. ఈ చిత్రం మార్చి 6న విడుదల కానుంది.

షూటింగ్ సమయంలో ఎదుర్కొన్న సవాళ్లు. సినిమా పనులు మొదలైన తర్వాతే తాను ప్రెగ్నెంట్ అని తెలిసిందని, మధ్యలో ఆపేస్తే నిర్మాతలకు నష్టం వాటిల్లుతుందనే ఉద్దేశంతో షూటింగ్ కొనసాగించానని లావణ్య తెలిపారు. తీవ్రమైన వాంతులు, మైగ్రేన్ నొప్పి వేధిస్తున్నా సరే.. టాబ్లెట్స్ వేసుకుని మరీ షూటింగ్‌లో పాల్గొన్నట్లు ఆమె వెల్లడించారు.

భయం భయంగా యాక్షన్ సీక్వెన్స్:

యాక్షన్ సీన్లు చేసేటప్పుడు ఎంతో ఆందోళన చెందేదాన్నని, ప్రతి షెడ్యూల్ పూర్తయ్యాక వెంటనే ఆసుపత్రికి వెళ్లి చెకప్ చేయించుకునేదాన్నని చెప్పారు. డ్యాన్స్ సీక్వెన్స్ సమయంలో కొరియోగ్రాఫర్ బృందా మాస్టర్ తన పరిస్థితిని అర్థం చేసుకుని స్టెప్పులను మార్చారని, బేబీ బంప్ కనిపించకుండా లూజ్ కాస్ట్యూమ్స్ వాడారని తెలిపారు.

కుటుంబ సభ్యుల మద్దతు:

మొదట్లో ఇంట్లో వాళ్ళు కాస్త భయపడినా, తన నిర్ణయానికి భర్త వరుణ్ తేజ్ పూర్తి అండగా నిలిచారని లావణ్య పేర్కొన్నారు. షూటింగ్ సెట్‌లో మొదట్లో ఎవరికీ తాను గర్భవతి అనే విషయం చెప్పలేదని, తెలిస్తే తనను ప్రత్యేకంగా చూస్తారనే ఉద్దేశంతో సాధారణ నటిలాగే పనిచేశానని ఆమె చెప్పుకొచ్చారు.