Actress Laya: సాఫ్ట్ ఇమేజ్ పక్కన పెట్టిన లయ.. సెకండ్ ఇన్నింగ్స్‌ పై ఇంట్రైస్టింగా కామెంట్స్..

Actress Laya: టాలీవుడ్‌లో ఒకప్పుడు తన హోమ్లీ నటనతో కుర్రకారు మనసు గెలుచుకున్న నటి లయ, దాదాపు 20 ఏళ్ల తర్వాత మళ్లీ వెండితెరపై సందడి చేయబోతున్నారు. శివాజీ కథానాయకుడిగా నటిస్తున్న సాంప్రదాయిని సుప్పిని సుద్దపూసని అనే డార్క్ కామెడీ క్రైమ్ థ్రిల్లర్ ద్వారా ఆమె తన సెకండ్ ఇన్నింగ్స్ ప్రారంభించనున్నారు. ఈ నెల 6న విడుదల కానున్న ఈ సినిమా ప్రమోషన్స్‌లో లయ పలు ఆసక్తికర విషయాలు పంచుకున్నారు.

పాత ఇమేజ్‌కు భిన్నంగా ఉత్తర

సాధారణంగా లయ అంటే అందరికీ అమాయకమైన పాత్రలే గుర్తొస్తాయి. కానీ ఈ సినిమాలో ఆమె పూర్తి భిన్నమైన పాత్రలో కనిపించబోతున్నారు. ఈ చిత్రంలో ఆమె ఉత్తర అనే స్వార్థపరురాలైన భార్య పాత్ర పోషించారు. కథ ప్రకారం తన భర్తను ముప్పుతిప్పలు పెట్టే పవర్‌ఫుల్ రోల్ ఇది. ఇకపై కేవలం సెంటిమెంట్, ఏడుపుగొట్టు పాత్రలకే పరిమితం కాకుండా నెగటివ్ షేడ్స్ ఉన్నా సరే బలిష్టమైన పాత్రలు చేయాలని ఉందని ఆమె స్పష్టం చేశారు.

వరుస ప్రాజెక్టులతో బిజీ

కేవలం ఈ సినిమానే కాకుండా, లయ చేతిలో మరికొన్ని క్రేజీ ప్రాజెక్టులు కూడా ఉన్నాయి. జగపతిబాబుతో కలిసి నటిస్తున్న సైకలాజికల్ థ్రిల్లర్. శ్రీకాంత్‌తో కలిసి ఒక సోషియో ఫాంటసీ చిత్రంలోనూ ఆమె నటిస్తున్నారు.కథలో బలం ఉంటే చిన్న పాత్రలకైనా, అతిథి పాత్రలకైనా తాను సిద్ధమని ఆమె తన ఆసక్తిని చాటుకున్నారు.

నిర్మాణం మరియు విడుదల

ఈటీవీ విన్, శివాజీ సంయుక్తంగా నిర్మించిన ఈ చిత్రం సరికొత్త వినోదాన్ని పంచుతుందని లయ ధీమా వ్యక్తం చేశారు. సినిమా రంగంలో మారుతున్న ట్రెండ్‌కు అనుగుణంగా లయ తనను తాను మలుచుకుంటూ చేస్తున్న ఈ ప్రయత్నం ఎంతవరకు సక్సెస్ అవుతుందో చూడాలి. మార్చి 6న థియేటర్లలో ఈ సుద్దపూస చేసే హంగామాకు సిద్ధంగా ఉండండి.