Actress Samantha: స్టార్ హీరోయిన్ సమంత దసరా పండుగ సందర్భంగా తన అభిమానులకు ఇచ్చిన 'కొత్త ప్రయాణం అప్‌డేట్ ఇప్పుడు నెట్టింట హాట్ టాపిక్‌గా మారింది. సోషల్ మీడియాలో ఆమె పంచుకున్న ఓ ఆసక్తికరమైన ఫొటో, కొంతకాలంగా ఆమెపై వస్తున్న రెండో పెళ్లి వార్తలకు మరింత బలం చేకూర్చినట్లైంది.
SAM లోగోతో కొత్త ఇంటి ఫొటో
సమంత తాజాగా కొత్త ఇంట్లోకి అడుగుపెట్టిన సందర్భంగా ఆ ఇంటి గోడపై డిజైన్ చేయించిన SAM లోగో ఫొటోను అభిమానులతో పంచుకున్నారు. కొత్త ప్రయాణం అంటూ ఆమె చేసిన ఈ పోస్ట్, తన వ్యక్తిగత జీవితంలో ఒక కొత్త అధ్యాయం మొదలైందని సూచిస్తోంది. అయితే ఈ కొత్త ఇల్లు హైదరాబాద్‌లో కొనుగోలు చేశారా లేక ముంబైలోనా అనే విషయంపై మాత్రం ఇంకా స్పష్టత రాలేదు.
దర్శకుడితో పెళ్లి వార్తలు
గత కొంతకాలంగా సమంత, బాలీవుడ్ దర్శకుడు రాజ్ (రాజ్ నిడిమోరు) తో ప్రేమలో ఉన్నారనే ప్రచారం జోరుగా సాగుతోంది. వీరిద్దరూ కలిసి ది ఫ్యామిలీ మ్యాన్ 2, సిటాడెల్ వంటి వెబ్ సిరీస్‌లకు పనిచేయడం, ఆ పరిచయమే ప్రేమగా మారిందని బాలీవుడ్ వర్గాలు గుసగుసలాడుకుంటున్నాయి. పలు కార్యక్రమాలకు వీరిద్దరూ జంటగా హాజరవడం ఈ వార్తలకు మరింత బలం చేకూర్చింది.
ఈ నేపథ్యంలోనే సమంత కొత్త ఇంటి ఫొటో షేర్ చేయడంతో ఆ కొత్త ప్రయాణం రాజ్‌తో కలిసి చేసే జీవిత ప్రయాణమేనా అని నెటిజన్లు పెద్ద ఎత్తున చర్చించుకుంటున్నారు. త్వరలోనే వీరిద్దరూ ఒక్కటి కాబోతున్నారని సినీ వర్గాల్లో ఊహాగానాలు వినిపిస్తున్నాయి.
సమంత ప్రస్తుత ప్రాజెక్టులు
సినిమాల విషయానికొస్తే, సమంత ప్రస్తుతం రెండు క్రేజీ ప్రాజెక్టులతో బిజీగా ఉన్నారు. రక్త్‌ బ్రహ్మాండ్‌: ది బ్లడీ కింగ్‌డమ్‌, మా ఇంటి బంగారం సినిమాల్లో నటిస్తుంది. ఈ రెండు చిత్రాల నిర్మాణ పనులు ప్రస్తుతం శరవేగంగా జరుగుతున్నాయి. వ్యక్తిగత జీవితంలో కొత్త అప్‌డేట్‌తో పాటు, కెరీర్‌లోనూ ఆమె దూసుకెళ్తున్నారు. ఈ కొత్త ప్రయాణం గురించి సమంత మరిన్ని వివరాలు వెల్లడిస్తారేమో చూడాలి.
